Os Amigos de RegalXunqueira organiza para o 22 de outubro uha ruta entre Foz e Reinante. A saída será ás 10:00 horas da estación de tren de Viveiro e ás 11:00 horas desde a estación de tren de Foz partirá a andaina ata o apeadeiro da estación de tren de Reinante.
A ruta discorrerá por Mañente, a Espiñeira, cruzará o río Masma e continuará polas praias da costa de Barreiros, praia de Altar, San Bartolo, Acantilado-Remior, Coto, Fontela-Balea, Lóngara, A Pasada e Arealonga. O percorrido de 16 quilómetros é chan. A volta a Viveiro será no tren das 19:00 horas.
A organización anuncia que non é preciso ser socio para participar nesta actividade e aconsella levar comida e bebida.