A Asociación Cultural e Deportiva Penalba-Colectivo Chilindrín de Celeiro convoca o Concurso Infantil de Debuxo Festa da Merluza do Pincho.
Poden participar neste concurso todos aqueles nen@s que o desexen ata 12 anos (cumpridos ou por cumprir no ano 2016). Os participantes deberán realizar un debuxo ou mural relacionado co pobo de Celeiro ou coa festa de pescada en particular. Estes debuxos deberán facerse a man, non valendo o uso do ordenador, e terán que levar o texto Festa da Merluza de Celeiro.
O prazo de presentación dos traballos remata o 25 de maio do 2016 inclusive e deberán entregarse a algún membro da directiva da ACD Penalba de Celeiro ou por correo postal á dirección: Almacén nº20 do Muelle sur de Celeiro CP 27863 Viveiro-Lugo.
Os premios aos tres primeiros traballos consistirán en material didáctico valorado en 150, 50 e 50 euros, respectivamente.