Do 13 ao 23 de maio desenvolverase a campaña Céntimo Solidario, que organizan AciaFozCCA e a delegación local da AECC co obxectivo de recadar fondos para esta asociación.

AciaFozCCA colaborará por quinto ano consecutivo coa delegación local da Asociación Española contra o Cancro, a través da campaña Céntimo solidario, que se desenvolverá do 13 ao 23 de maio. 

Pilar García, representante da AECC en Foz, o presidente de AciaFozCCA, José Carlos Paleo, o concelleiro de Comercio, Chema Linares, e o alcalde de Foz, Fran Cajoto, foron os encargados de presentala. 

Nos establecementos participantes haberá situadas huchas para deixar os donativos que @s seus clientes queiran depositar. 

José Carlos Paleo agradece “o traballo realizado durante todo o ano pola delegación local da Asociación Española contra o Cancro. Desde o CCA tamén queremos unha vez máis colaborar e poñer o noso gran de area co Céntimo Solidario porque toda axuda, sexa a que sexa é importante”. O presidente de AciaFozCCA anima “á clientela dos negocios focenses a participar nesta campaña. A xente estivo a responder ben estes anos e agardamos que neste 2022 tamén aporte o seu gran de area”. 

O Concello de Foz colabora con AciaFozCCA nesta campaña, que foi presentada hoxe.