A Librería Bahía, de Foz, organiza o vindeiro 29 de xullo as oito e media da tarde un encontro entre dous grandes escritores: Berta Dávila e Juán Tallón. O encontro enmarcase dentro do programa “Afinidades electivas. Encontro literario” que promove o Ministerio de Cultura a través da Dirección Xeral do Libro. Un formato orixinal que entusiasmará aos amantes da literatura.
Neste encontro, os autores falarán das súas últimas obras, Carrusel (Berta Dávila, ed. Galaxia) e Rewind (Juan Tallón, ed. Anagrama), e da súa relación coa obra doutro: afinidades, cousas en común, sorpresas, diverxencias, etc. Ademais, asinarán a súa obra antes do comezo do encontro, entre as 6 e as 7 da tarde. Neste caso será na Librería Bahía en Ribadeo.
Desde Bahía remarcan o seu compromiso coas medidas de seguridade, por iso, os interesados en asistir ao acto deberán inscribirse a través das redes sociais da librería, no mail bahia@libreriabahia.com ou chamando ao teléfono 982 140 434. En caso de que o número de inscricións fose moi alta, buscaríase un lugar alternativo con más capacidade.
Ademais, este mércores, 23 de xullo, vai ter lugar a celebración comercial do Día do Libro, que non se puido desenvolver en abril por mor do confinamento. Así, este mércores todas as librerías farán o 10% de desconto habitual.