A asociación cultural O Pasatempo, de Mondoñedo, organiza un magosto tradicional para o 4 de novembro, sábado. Esta previsto que sexa na Praza do Concello, pero se chove trasladarase aos soportais da catedral mindoniense. Haberá castañas, viño e chocolate.
As actividades empezarán ás 17:00 horas con merenda e decoración terrorífica. Ás 18:00 farase truco ou trato de Samaín polas rúas do centro de Mondoñedo e a partir das 19:30 horas desenvolverase o magosto tradicional amenizado coa música de Os Carricantos.