O 4 de febreiro terán lugar en Vilela (Ribadeo) as primeiras xornadas gastronómicas do cocido galego.

Serán a antesala do Entroido. A venda de tíckets será ata o 27 de xaneiro. As prazas están limitadas a 300 persoas. 

A comida será nunha carpa climatizada o 4 de febreiro a partires da unha do mediodía. Haberá primeiro sesión vermú co Dúo Ciclón e despois servirase o cocido completo con porco celta, a cargo de Taboada. O menú estará composto por grelos, cachola, chourizo, garavanzos, costela, lacón, botelo, pan, viño ou refresco, café, chupito e postre (orellas feitas pola veciñanza de Vilela). 

Despois do xantar actuarán o Dúo Ciclón e o Dúo Belinda. 

O prezo por comensal será de 30 euros. As nenas e os nenos hasta 12 anos pagarán 15 euros.  

A organización conta coa colaboración da Xunta de Galicia e do Concello de Ribadeo.