O Club de Piragüísmo Altruán de Ribadeo organiza un curso de augas bravas que se celebrará o día 13 de febreiro.
As persoas interesadas poden inscribirse nos números de teléfono 658 796 905 e 680 981 279.
A actividade será impartida por Fredi Burcio e desenvolverase no río Sor.
O Club de Piragüísmo Altruán celebra o seu 40 aniversario cun calendario cheo de actividades lúdicas e formativas que dará comezo con este curso de augas bravas. Ademais continuará coas súas excursións, aluguer de canoas e organización de rutas de kayak de mar.
O club ribadense, creado en 1982, leva varias tempadas colleitando moitos éxitos na práctica do piragüísmo.