Un xurado profesional elixiu como os mellores escaparates do Nadal, que acaba de rematar, os de Viajes Rodríguez e Electricidad Núñez.
E no facebook houbo empate a 299 votos. Dous negocios reuniron o mesmo número de me gustas. Foron: Chuvia e Vas’s Outlet.
O Concurso de Escaparates desenvolveuse do 16 de decembro ao 6 de xaneiro. O CCA estableceu varios premios, consistentes en diplomas e obsequios. Uns para os escaparates que recibiron máis apoios en facebook e outros para os elixidos polo xurado profesional que avaliou as diferentes decoracións presentadas ao certame.
E a imaxe gañadora do Concurso de Nadal no Fogar foi a publicada nas redes como Navidad 1. Desde o CCA lembraron que “para decorar os fogares os participantes puideron empregar todo tipo de materiais e detalles. Pero algún deles tivo que se adquirido nos establecementos asociados a Acia/CCA. As persoas que se inscribiron no concurso detallaron en qué tenda fixeron esas compras decorativas”. O gañador do Concurso Nadal no Fogar recibirá 100 euros en vales de compra para gastar nos comercios asociados ao CCA de Foz.
Desde o Centro Comercial Aberto agradecen a participación en ambos concursos e aproveitan para desexar un Feliz Aninovo a clientes e asociad@s.