Unha vintena de comercios de ACIA Burela celebran este venres, 14 de agosto, unha noite de “Compras Máxicas” en horario especial de tarde desde as 7 ata as 11 da noite.
Ademais dun horario extendido, que permite facer as compras tranquilamente despois de disfrutar dunha completa tarde de verán, o principal atractivo desta iniciativa, organizada pola Asociación de Comerciantes e Empresarios de Burela, consiste nunha zona outlet en cada establecemento coa oferta de numerosos artículos a precios rebaixados con descontos de ata o 50%.
As compras estarán ademais animadas coa actuación dos magos de AMAM (Asociación de Magos Afeccionados da Mariña) dentro dos propios locais e moitas outras sorpresas.
Os locais participantes na campaña son: A Canastilla, Ajuar, Atmósfera Sport, Bambú, Calzados Tomás, Canela, Caroa, Chamorro, Fragances&Colours, Interfilm, Joyería Pikmar, Kessarys Joyeros, La Lola, Minnistore, New Style, Óptica Afflelou, Pacita, Platería David, Strass e Zalo.