Na Librería Bahía de Foz estivo moi presente ao longo de todo este ano 2016, a obra do poeta Manuel María e a súa pegada en Foz, nun ano que ademais estivo dedicado á súa figura.
Para pechar a serie de actividades que Librería Bahía veu desenvolvendo en torno a Manuel María, organizan para este sábado, 10 de decembro, ás 17:00 horas, unha actuación de Uxía e Magín Blanco.
Estes dous artistas interpretarán cancións de Canta o cuco, e como artista convidado ao clarinete intervirá o neno Manuel Menacho.
Esta actividade é de balde e aberta ao público en xeral sen ser preciso a inscrición previa.