Eris Mackenzie

O Concello de Ribadeo continúa coa promoción da programación organizada arredor do Día do Orgullo LGTBIQ+ e anima á veciñanza e ás persoas visitantes a participar na gran celebración prevista para o próximo 21 de xuño, domingo. A xornada desenvolverase a partir das 13:00 horas no Quiosco do Parque San Francisco cunha sesión vermú que “combinará música, cor, convivencia e reivindicación da diversidade. O acto central será o concerto de Eris Mackenzie, unha das voces emerxentes máis destacadas da nova escena musical galega”.

A organización do evento destaca que Eris Mackenzie “ofrece unha proposta innovadora na que fusiona a electrónica contemporánea con elementos da música tradicional galega, creando unha sonoridade única que o converteu nun dos nomes con maior proxección dentro do panorama musical galego actual. O seu traballo combina...