Tui
O Seminario de Estudos Terra de Viveiro organiza unha viaxe a Tui e a Valença (Portugal) para este sábado, día 7 de xuño.
As actividades programadas son visitas á catedral e ao casco antigo de Tui e tamén á fortaleza de Valença. Os participantes xantarán en Tui.
A saída será ás 8 da mañá desde a estación de autobuses de Viveiro.
O prezo para os soci@s do Seminario de Estudos Terra de Viveiro será de 40 euros, mentres que as persoas que non pertencen ao colectivo deberán pagar 45 euros.
A delegación de Peregrinacións, piedade popular, santuarios e Camiño de Santiago da Diocese Mondoñedo-Ferrol, a través dunha comisión especial, será a encargada de organizar a peregrinación diocesana á cidade de Tui, co gallo da ordenación episcopal do ribadense Antonio Valín Valdés, ata o de agora vigairo xeral de Mondoñedo-Ferrol e nomeado recentemente bispo de Tui-Vigo.
A viaxe terá lugar o sábado 20 de xullo e o prazo de inscrición estará aberto ata o 24 de xuño, sen límite de prazas. O desprazamento farase en autocar, cun prezo aproximado de 35 euros por persoa, incluíndo a comida.
As persoas que desexen participar nesta peregrinación terán que contactar con calquera dos seguintes números de teléfono: zona da Mariña (Foz e Ribadeo), 678.312.109; zona de Ferrol, 639.903.393; zona de Terra Chá, 628.233.900;...
leer más