Alfoz acollerá dous campamentos dixitais: un será do día 23 ao 27 de xuño e o outro desenvolverase desde o 30 dese mes ata o 4 de xullo.
O Concello de Alfoz explica que haberá “actividades presenciais de balde en competencias dixitais para nenas, nenos e adolescentes; aventuras, misións e retos adaptados á súa idade; aprenderán a usar Internet e ferramentas dixitais de xeito útil, seguro, creativo e responsable”.
Do 23 ao 27 de xuño de 10:00 a 14:00 horas será para os/as nados/as entre 2012 e 2017. E do 30 de xuño ao 4 de xullo, de 10:00 a 14:00 horas está destinado os/as nados/as entre 2008 e 2011.
As inscricións serán do 26 de maio ao 4 de xuño e poderanse facer nas oficinas de rexistro da Casa do Concello ou a través da sede electrónica.
Para realizar a actividade deberá haber un mínimo de 8 participantes e un máximo de 15 por quenda.
Cada participante terá que levar o seu dispositivo electrónico, xa sexa tableta ou ordenador.