Antía Gayoso Gayol atópase estes días en México disfrutando da viaxe sorteada por Acisa no marco do XI Ribadeo Indiano.
O sorteo, ante notario, tivo lugar ao remate do concerto ofrecido por Estrellas de Buena Vista y Más no escenario instalado na rúa San Roque o pasado 12 de xullo.
A viaxe sorteada foi para dúas persoas para desfrutar neste mes de setembro. O premio cubre o vo Madrid-México-Madrid, así como 7 noites de hotel en habitación dobre premium room en réxime de todo incluído, no hotel Iberostar Waves Paraíso de 5 estrelas, así coma servizos extra como embarque preferente, asentos especiais, asistencia a eventos na Riviera Maya, entre outros complementos extra.
Por outra parte, as persoas afortunadas no sorteo da campaña da Volta ao Cole, de Acisa Ribadeo, teñen ata o 30 de setembro para reclamar os seus premios acudindo ás oficinas de ACISA Ribadeo, na Rúa San Roque, 57-baixo ou contactando coa asociación a través do WhatsApp no número 663 39 62 26.
Trátase de 300 euros en vales de compra repartidos en tres premios de 100 euros cada un. Os números agraciados foron o 5.072, o 8.384 e o 6.359. Aqueles premios que non sexan reclamados no prazo establecido quedarán desertos.