San Roque
A vila de Ribadeo prepárase para celebrar as súas festas de San Roque, co patrón da localidade, cunha programación que mestura actos tradicionais, música en directo e propostas para todos os públicos os días 14 e 16 de agosto.
O xoves, 14 de agosto, ás 20:30 horas, a rúa San Roque acollerá o concerto de D’Crooners, un evento en colaboración con Acisa Ribadeo.
O sábado, 16 de agosto, o día grande, comezará ás 10:30 horas coas potentes bombas de palenque anunciando a festividade, seguidas da saída dos Cocos e Cabezudos acompañados polo Cuarteto de Gaitas Illa Pancha. Ás 12:00 horas celebrarase a misa solemne, seguida da procesión e dun concerto da Banda Municipal de Ribadeo. O vermú será ás 14:00 horas coa música do dúo En Clave de Ti, que tamén amenizará a verbena nocturna a partir das 23:00 horas, compartindo...
leer más
O grupo De Ninghures actuará este xoves, 14 de agosto, nas festas do San Roque, de Viveiro, co apoio da Vicepresidencia da Deputación de Lugo, que anuncia: “a banda creada arredor da Foliada da Fonsagrada e consolidada como un referente da nova fornada da música galega co seu segundo disco, Feira, actuará na Praza Maior de Viveiro, dentro da programación musical que a Vicepresidencia da Deputacíon impulsa para fomentar a presenza da música en galego en festivais e eventos musicais de toda a provincia”.
A deputada provincial de Cultura, Iria Castro, e representantes da comisión de festas -Juan Manuel Sánchez, Raquel Trasancos e Cristina Parapar- presentaron o concerto acompañadas por integrantes da banda, que “coincidiron en valorar a importancia deste tipo de actuacións, no contexto dunhas festas patronais, para achegar a un público máis amplo e ...
leer más
Este luns tivo lugar a presentación da XLVII Gran Tirada Concello de Viveiro, “unha das citas máis destacadas do calendario galego de tiro ao prato”, organizada polo Club de Tiro San Roque e que se celebrará o 15 de agosto no campo de tiro da cidade, anuncia o Concello de Viveiro.
A presentación contou coa presenza da alcaldesa de Viveiro, Mariña Gueimunde, acompañada de Juan Casabella e Antonio Novo, membros da directiva do club organizador. A rexedora destacou a longa traxectoria desta proba, “que ano tras ano consolida a súa importancia no panorama deportivo e contribúe tamén a dinamizar a nosa vila durante o verán”.
...
leer más
O cartel das festas de San Roque, en Viveiro, foi presentado este luns e inclúe actividades do 14 ao 17 de agosto. Entre elas está un concerto do popular dúo formado polas irmáns Encarna e Toñi Salazar, actuación programada para o venres 15 de agosto.
A comisión Viveiro en Festas anuncia: “teremos o pracer de contar con De Ninghures, Azúcar Moreno e Dasoul na Praza Maior os días 14, 15 e 16 de agosto. Ademais nos Xardíns Noriega Varela contaremos co Dúo Vivarium, Suavecito, Súper Top e Escaparate. E, para rematar, a Sardiñada Popular nas Nogueiras”.
Viveiro acollerá un evento pro recadación para as Festas do San Roque no Día das Tortillas, que é o domingo 6 de abril.
Está organizado pola comisión Viveiro en Festas, que explica: “cremos que o Días das Tortillas é unha festa moi chula para seguir mantendo en Viveiro, así que imos facer que o parque Pernas Peón sexa un sitio para celebrar en boa compañía o domingo 6 de abril. Imos ter á venda tortillas grazas á colaboración co restaurante La Tortilla Maravilla, en porcións ou enteiras, pero podes reservar a túa a través do whatsapp do teléfono 619.14.14.62. A partir das 12 abrimos inscricións para o I Concurso Popular do Día das Tortillas, no que calquera veciño ou veciña pode presentar a súa mellor receita”.
Ademais a partir das 13:30 horas haberá sesión vermú a cargo do Dúo Vivarium e ás 17 horas, veredicto do...
leer más
A Comisión de Festas do San Roque de Viveiro organiza unha cea baile de Nadal que se celebrará o día 21 de decembro, sábado. Será ás 22:00 horas no Hotel Resort Las Sirenas Thalasso Cantábrico. Actuará DJ Eventec ata as 03:00 horas e haberá barra libre e sorteos.
Os organizadores explican que “o Nadal é o momento perfecto para xuntarse cos teus, rir das anécdotas do ano, e lembrar todos os bos momentos que pasamos en familia e con amigos (e para sobrevivir ás historias do cuñado, claro). Por iso, a nosa Cea de Nadal é a mellor maneira de chegar con forza á Noiteboa! Este 21 de decembro anímate a vir ao Hotel Resort Las Sirenas Thalasso Cantábrico para gozar dunha noite máxica e moi especial! Anótate enviando un correo a comisionviveiroenfestas@gmail.com ou pásate polo Doce Bar (Praza...
leer más
O Concello de Viveiro celebra que unha comisión se encargue da organización das festas patronais de San Roque de 2025, que se celebrarán os días 14, 15 e 16 de agosto, en coordinación coa administración municipal.
“Estamos encantados de que un grupo de xente moza colla as rendas destes tres días de festas”, explica a alcaldesa, María Loureiro, quen mantivo unha reunión cos membros da comisión como primeira toma de contacto para traballar no calendario festivo.
Así, as festas patronais coordinaranse cos actividades culturais que o Concello de Viveiro organiza no mes de agosto, como a Feira do Libro ou a Feira de Artesanía, ademais daquelas nas que colabora, como a Mostra Folclórica Internacional ou o desfile de Xigantes e Cabezudos.
Na seguinte reunión, na que participará a concelleira de...
leer más
A vila ribadense celebrará a festa do seu patrón, San Roque, o día 16 de agosto, venres.
As actividades comezarán ás 11:00 horas coa saída dos Cocos e cabezudos, acompañados polo grupo de gaitas Illa Pancha. Ás doce do mediodía celebrarase misa solemne e a continuación haberá procesión seguida de concerto da Banda Municipal de Música de Ribadeo. A partir das 14:00 horas terá lugar sesión vermú co dúo Venus, que tamén actuará na verbena xunto ao grupo Fénix e de rematar a festa encargarase o DJ Litainer.
A parroquia de Carballido, en Alfoz, celebrará as súas tradicionais festas ha honra de San Roque do 16 ao 18 de agosto.
O venres, 16 de agosto, a partir das 13:30 horas haberá misa, procesión e sesión vermú co Dúo Belinda. Pola noite, o Grupo Claxon poñerá ritmo á verbena.
O sábado, 17 de agosto, a partir das 13:30 horas, terá lugar a misa, procesión e sesión vermú esta vez a cargo do Grupo Montreal. O día rematará cunha verbena protagonizada pola actuación de DJ Balbin.
O domingo, 18 de agosto, a partir das 21:00 horas está programada unha gran churrascada seguida dunha verbena coa Orquestra Los Satélites e Discomóvil Conxuro porán o peche perfecto a esta festividade.
O Club Ciclista Viveiro organiza o XXXIX Gran Premio Ciclista San Roque 2024, que se disputará este sábado, 15 de xuño, a partir das 15:30 horas, con saída e meta desde a explanada do pavillón polideportivo municipal de Viveiro. Haberá categorías alevíns, cadetes, infantís, promesas e principiantes e ciclismo inclusivo.
As probas realizaranse nun circuíto que discorrerá por estradas dos concellos de Viveiro, Ourol e O Vicedo.