O Observatorio da Mariña pola Igualdade organiza actividades contra a violencia de xénero en Ribadeo os días 25 e 28 de novembro, martes e venres.
“Este 25N o Observatorio da Mariña pola Igualdade centrará os actos reivindicativos en Ribadeo: o propio día 25 colocaranse varias siluetas alusivas á violencia de xénero na praza 8 de Marzo. Para ese mesmo día e lugar, convocamos unha concentración ás 19:00 horas. O venres 28 teremos unha charla coloquio sobre Violencia de xénero e medios de comunicación, impartida por María Obelleiro, exdirectora de Nós Diario e Sermos”, anuncia o Observatorio da Mariña pola Igualdade.