A Concellaría de Mocidade e o CFCA Pedro Murias organizan o Samaín, que este ano se celebrará na granxa situada en Vilaframil o vindeiro mércores, 1 de novembro.
A edil Vanesa Yanes explica que “o que imos facer é unha visita guiada á exposición de cabazas ecolóxicas, sementaremos o noso propio legume, preparemos tamén as nosas cabazas e remataremos a tarde tomando un chocolate”.
A concelleira de Mocidade dixo que “contaremos con bus gratuíto para desprazarnos ata a granxa Pedro Murias, que sairá ás catro da tarde da Oficina de Turismo. E a volta será ás sete”.
Vanesa Yanes anima “a todos @s nen@s e moz@s de Ribadeo a gozar deste Samaín dun xeito diferente, na granxa Pedro Murias. O único que teñen que facer é estar un pouco antes das catro diante da Oficina de Turismo para coller o autobús rumbo a Vilaframil”.
E engade que “non fai falla anotarse, xa que o bus pode facer varias viaxes”. A concelleira de Mocidade engadiu que “se trata dunha actividade para facer en familia, así que está todo o mundo convidadx”.