A ONG Música para salvar vidas presenta o seu espectáculo titulado Los Uganda Sticks en Mondoñedo o día 21 de agosto, xoves. Será no auditorio municipal Pascual Veiga ás 20:00 horas. O prezo da entrada é de 10 euros.
O acto de presentación deste concerto, celebrado no Concello de Mondoñedo, contou con participación de membros da ONG organizadora así como alcalde de Mondoñedo, Manuel Otero, e o concelleiro Manuel Tapia.
O Concello de Mondoñedo anuncia que “a ONG Música para salvar vidas presenta o seu espectáculo Los Uganda Sticks, a historia de África dende a danza e a percusión africana a través dunha ollada profunda e moi profesional. Un espectáculo impactante pola súa percusión e sensibilidade. Unha ocasión de achegarse a África desde o corazón duns rapaces que pese ás dificultades da vida trunfan artisticamente con humildade, cercanía, disciplina e constancia. Sen dúbida o publico sairá diferente a como entrou, porque e un espectáculo que toca o corazón e o instinto humano da solidariedade. Que gran ocasión para disfrutar en familia. Benvid@s a coñecer África e a súa xente fantástica! Entrada anticipada na páxina web giglon.com. e no establecemento O Rincón de Mondoñedo”.