O campo municipal Pepe Barrera, de Ribadeo, acollerá o primeiro Torneo de Fútbol Grupo Breogán o día 10 de agosto domingo. Participarán o Real Sporting de Gijón, o Racing Club de Ferrol e o CD Arenteiro.
O Ribadeo FC anuncia que o “I Torneo Breogán contará na súa primeira edición cun cartel espectacular. Terá lugar o domingo 10 de agosto de 2025 no Estadio Municipal Pepe Barrera (Ribadeo). Ás 12:00 horas, CD Arenteiro - Real Sporting de Gijón; e ás 19:00 horas Racing Club de Ferrol - Real Sporting de Gijón. Os prezos das entradas para cada partido serán de 15 euros (maiores de 15 anos); e de 5 euros (nenos/as entre 8 e 15 anos). Pódese adquirir un bono para os dous partidos por 25 euros (maiores de 15 anos); e de 8 euros (nenos/as entre 8 e 15 anos). Os nenos de menos de 8 anos teñen acceso gratuíto. Os bonos para os dous partidos poden adquirirse de forma anticipada en Bar A Cova e Restaurante El Huerto e nas taquillas do Campo Municipal Pepe Barrera xunto coas entradas de cada partido o mesmo día”.
A presentación oficial deste torneo realizouse nas dependencias que o Grupo Breogán ten no polígono industrial de Barreiros.