O GALP A Mariña-Ortegal anuncia unha experiencia de cociña en vivo con produto do mar da man de Ana Martínez Arruñada, docente da Escola de Hostalería do IES de Foz. Será o xoves 16 de xullo ás 11:30 horas no Local da Asociación Recreativa Cultural O Valado (Rúa Nicolás Cora Montenegro, 51, baixo), en Viveiro.
Os organizadores desta actividade explican que “as persoas interesadas poden reservar a súa praza en i.gal/pescasaude. Durante o evento repartiranse vales desconto de 5 euros para realizar compras nos máis de cen establecementos adheridos á campaña Pesca Saúde. Os vales poderán utilizarse ata o vindeiro 31 de xullo”.