Os temas musicais do libro-cd Brinca Vai!, de Paco Nogueiras, amenizarán o Samaín dos máis pequenos o vindeiro sábado, 31 de outubro, a partir das seis e media da tarde no Cine Teatro, nunha cita que organiza a asociación Amigos da Gaita coa colaboración da Sociedade Filantrópica e do Concello de Ribadeo. O prezo das entradas é de dous euros. As familias interesadas en participar xa poden reservar as súas entradas no seguinte número de teléfono: 663 86 46 81.
Brinca Vai! é un libro-cd editado por Kalandraka, con cancións compostas polo propio Nogueiras e ilustracións de David Pintor. Ao longo de 12 cancións, unha para cada mes do ano, Nogueiras toca un amplo abano de estilos musicais, como o techno, o rock, o folk, o reggae ou a música electrónico. O tempo do Samaín e do magosto están moi presentes entre as cancións de Brinca Vai!, que tamén lle dedica temas a festividades tan tradicionais como o Entroido ou a chegada do Apalpador en Nadal.