Amigos da Gaita
06/05/2016
Este sábado, día 7, ás 18:00 horas no Auditorio Municipal de Ribadeo, celebrarase o V Festival Infantil Amigos da Gaita Galega de Ribadeo.
Ademais dos anfitrións, a Asociación Amigos da Gaita Galega de Ribadeo, actuarán a Escuela de Música de Tapia de Casariego e a ACM Arume de Burela.
27/10/2015
Os temas musicais do libro-cd Brinca Vai!, de Paco Nogueiras, amenizarán o Samaín dos máis pequenos o vindeiro sábado, 31 de outubro, a partir das seis e media da tarde no Cine Teatro, nunha cita que organiza a asociación Amigos da Gaita coa colaboración da Sociedade Filantrópica e do Concello de Ribadeo. O prezo das entradas é de dous euros. As familias interesadas en participar xa poden reservar as súas entradas no seguinte número de teléfono: 663 86 46 81.
Brinca Vai! é un libro-cd editado por Kalandraka, con cancións compostas polo propio Nogueiras e ilustracións de David Pintor. Ao longo de 12 cancións, unha para cada mes do ano, Nogueiras toca un amplo abano de estilos musicais, como o techno, o rock, o folk, o reggae ou a música electrónico. O tempo do Samaín e do magosto están moi presentes entre as cancións de Brinca Vai!...
leer más