Os días 20 e 21 de marzo celebraranse en Foz as Xornadas de Degustación do Longueiró, que organiza ACIA/CCA e nas que participarán unha trintena de bares, mesóns e restaurantes.
Durante esas xornadas poderanse saborear tapas de longueiró a 1 euro e racións degustación a 8 euros. Desde a directiva de ACIA/CCA sinalan que “o que queremos é seguir potenciando os produtos do mar, tanto os que hoxe son importantes nesta zona coma os que foron no seu día, como é o caso do longueiró”.
Os locais hostaleiros que se dan cita nestas xornadas de degustación son: A Soalta, O Norte, A Rula, Bar 78, O Descanso, O Sera, A Funcional, O Lar, O Muelle Bar, O Náutico, O Tangarte, Fraggle Rock Café, Acuario, Leytón, Namarinos, O Tangarte Mariñeiro, Casa Damián, Xoyma, Anduriña, Fina, Portovello, As Brasas, Dandy, pizzería Xoiña, A Bolera, As Torres, Express e Costumes do Mar.
Desde ACIA/CCA Foz din: “queremos que focenses e visitantes aproveiten eses días para saborear as propostas da hostalería da vila nas Xornadas de Degustación do Longueiró, que organizamos coincidindo coa ponte de San Xosé e coa chegada da primavera”.
Ademais desde a Asociación de Comerciantes, Industriais e Autónomos e o Centro Comercial Aberto animan “a facer as compras do día do pai e de San Xosé no comercio tradicional da nosa vila. Aquí atoparán todo o que precisan para agasallar e homenaxear aos pais e aos Pepes e Pepitas”.