1. Inicio

Cenima

O 1 de abril preséntanse no Cenima, en Foz, os carteis e dípticos da exposición "Ser Visibles", que se poderá visitar do 7 ao 30 de abril nesa instalación.

Etiquetas:
Foz, exposición, Cenima
27/03/2017

O vindeiro sábado, 1 de abril, terá lugar no Cenima, en Foz, a presentación dos carteis e dípticos da exposición “Ser visibles”, que se poderá visitar nesa instalación do 7 ao 30 de abril. O acto dará comezo ás 13:30 horas. 

Os organizadores invitan “a todos e todas (profesorado dos centros educativos, artistas, asociacións culturais, concellos, medios de comunicación  e público en xeral) á presentación dos  carteis, que subvencionados pola Deputación Provincial de Lugo, fixemos este ano con motivo da exposición que teremos no Cenima de Foz, coa participación de 11 artistas da Mariña (ADRI PARDO, LALY SANTOS, PILAR REI,LUCÍA CATUXO, ZILÍ KATOVA, CRIS BASANTA, LUCÍA VILA, EVA RIVAS, ALICIA PUCHADES, CARMEN LLONÍN E RENATA OTERO.) entre o día 7 de abril inauguración e o 28 de abril peche. Arredor da cal contaremos ademais cunha serie de...

leer más

O Cenima, de Foz, acollerá do 7 ao 28 de abril a exposición da cuarta edición da Semana das Artes da Mariña lucense. Estará protagonizada por 11 mulleres.

Etiquetas:
Foz, Cenima, Mulleres
03/03/2017

Dende o 7 de abril no Cenima, de Foz , 11 mulleres mariñáns serán as protagonistas da exposición da cuarta edición da Semana das Artes da Mariña lucense. Permanecerá aberta ata o 28 do mesmo mes. Contará coa visita dos escolares e profesores da Mariña, como ven sucedendo nas edicións anteriores, e co público que queira achegarse a contemplar as propostas artísticas destas 11 artistas: Zili Katova, Cristina Basanta, Lucía Vila, Eva Rivas, Alicia Puchades, Carmen LLonín, Adriana Pardo, Laly Santos, Pili Rei, Lucía Catuxo e Renata Otero.

Esta nova proposta pretende integrar arte e educación, como medio de avanzar nos procesos creativos de todas e todos os habitantes da comarca. Coñecemento, creatividade e expresión artística, son os soportes dun desenvolvemento emocional que intenta mellorar as condicións de vida dos/as cidadáns mariñáns. Con...

leer más

Catro series da obra de Celso Dourado poderanse ver no Cenima de Foz do 8 ao 29 de abril na Semana das Artes Plásticas na Mariña, na que tamén se dan cita outros cinco artistas da comarca.

Etiquetas:
Foz, Cenima, exposición
06/04/2016
Catro series da obra de Celso Dourado poderanse ver no Cenima de Foz do 8 ao 29 de abril na Semana das Artes Plásticas na Mariña, na que tamén se dan cita outros cinco artistas da comarca.
 
O artista barreirense Celso Dourado participará na Semana das Artes Plásticas na Mariña. A exposición será inaugurada no Cenima de Foz este venres, día 8, xunto a outros seis creadores mariñáns. Esta mostra colectiva poderase visitar ata o 29 deste mes. 
 
Celso Dourado explicou que “a exposición denominada Seis diálogos para educar  reflexa un pouquiño o traballo de seis artistas entre os cales estou. Podo citar que forman parte do elenco tamén David Catá, Héctor Manasé, Alberto Pena, Mauro Leivas e Raimundo Rubal”.
 
Dourado contou que “eu presento catro series da miña obra. Son botánica, relacionada cun tratamento subreal do que é a botánica en si;...
leer más

A Área de Cultura da Deputación de Lugo colabora coa Semana das Artes na Mariña, que se desenvolverá do 8 ao 29 de abril no Cenima de Foz.

Etiquetas:
Foz, Cenima, exposición
03/04/2016
A Área de Cultura da Deputación de Lugo colabora coa Semana das Artes na Mariña, que se desenvolverá do 8 ao 29 de abril no Cenima de Foz.
 
Unha nova edición da Semana das Artes na Mariña presentouse  no Cenima de Foz. A Área de Cultura da Deputación de Lugo estivo representada neste acto por Antonio Veiga, Vicepresidente da Deputación de Lugo. No acto participaron tamén Xerardo López, por parte do equipo coordinador da Semana das Artes, o prologuista do catálogo editado para a ocasión, Albano González, e a deseñadora do mesmo, Cristina Basanta.
 
Baixo o nome de “Seis diálogos para educar” a Semana das Artes na Mariña celebrarase desde o vindeiro venres 8 ata o 29 de abril, tendo como sede o Cenima en Foz. Este evento pretende ser, en palabras dos seus organizadores, “ mostra das expresións artísticas dun grupo de seis creadores mariñáns que plasman nas súas obras as...
leer más

O Cenima de Foz proxecta esta fin de semana, o 23 e o 25 de outubro, un audiovisual de Otero Regal e unha película infantil.

Etiquetas:
Cine, Cenima, Foz
21/10/2015
O Cenima de Foz proxecta esta fin de semana, o 23 e o 25 de outubro, un audiovisual de Otero Regal e unha película infantil.
 
O Cenima de Foz acolle esta fin de semana novas actividades culturais, das que deu conta a concelleira de Cultura, Silvia Blach. 
“Este venres 23 temos ás 20 horas a reprodución do vídeo Auga, terra e lume, de Otero Regal, dentro da mostra A Maruxaina e outras sereas, que está sendo exposta no Cenima estes días, durante todo o mes de outubro. O domingo 25 ás 18 horas ábrese a taquilla e ás 18:30 horas xa comeza a proxección da película infantil O pequeno mago. A entrada son tres euros nada máis e penso que é unha historia moi interesante na que se fala de normandos e bispos na cidade de Tui no século X. Penso que sería interesante para todos vela”, asegura a edil de Cultura focense. 
 

O Cenima, en Foz, acollerá durante o mes de outubro a exposición "Maruxaina e outra sereas", que organiza a Concellería de Cultura en colaboración coa asociación Os Aventados.

Etiquetas:
Cenima, Foz, exposición
02/10/2015
O Cenima, en Foz, acollerá durante o mes de outubro a exposición "Maruxaina e outra sereas", que organiza a Concellería de Cultura en colaboración coa asociación Os Aventados.
 
O vindeiro luns, 5 de outubro, ás 20 horas terá lugar a inauguración da exposición A Maruxaina e outras sereas, do libro do mesmo nome e composta por esculturas de Otero Regal e textos de Pablo Mosquera e Paco Rivas. 
O evento, que se celebrará na sala de exposicións do Cenima, contará coa presenza do alcalde, Javier Castiñeira, e do presidente da asociación Os Aventados. 
A Maruxaina e outras sereas poderase ver no Cenima ata o 31 de outubro. Durante todo este mes haberá diversas actividades complementarias arredor desta exposición. O día 16 pola mañá desenvolverase un relatorio para escolares sobre a Relación entre saúde e elementos utilizados na fabricación de recipientes de cerámica, a cargo de Otero Regal. O 23 proxectarase o...
leer más

O ciclo Cinema no Cenima de Foz volve este xoves, día 17, coa proxección da película "O ouro do tempo".

Etiquetas:
Foz, Cenima, Cinema
14/09/2015
O ciclo Cinema no Cenima de Foz volve este xoves, día 17, coa proxección da película "O ouro do tempo".
 
O ciclo Cinema no Cenima de Foz volve este xoves, 17 de setembro, ás 20:30 horas coa proxección da película O ouro do tempo (The value of time), de Xabier Bermúdez. O filme reúne a actores como Ernesto Chao, Nerea Barros, Manuel Cortés ou Marta Larralde. 
A apertura da taquilla efectuarase ás 20 horas e o prezo da entrada será de 3 euros. A proxección forma parte do programa Cinemas de Galicia, do Agadic. 
 

No Cenima de Foz pódese ver unha exposición colectiva de cerámica contemporánea ata o 15 de setembro. A mostra abriu as súas portas a mediados do pasado mes de agosto.

Etiquetas:
Cenima, exposición, Foz
14/08/2015
No Cenima de Foz pódese ver unha exposición colectiva de cerámica contemporánea ata o 15 de setembro. A mostra abriu as súas portas a mediados do pasado mes de agosto.
 
Este domingo, día 16, ás 12 do mediodía na sala de exposicións do Cenima de Foz será inaugurada unha mostra colectiva de cerámica contemporánea titulada Ceramic Suite, que estará aberta ao público ata o día 15 de setembro.
O horario de visitas da sala é de 11 a 14 horas e de 17 a 20 horas de luns a sábado.
 

O Cenima de Foz albergará dúas exposicións durante o mes de agosto.

Etiquetas:
Cenima, exposición, Foz
29/07/2015
O Cenima de Foz albergará dúas exposicións durante o mes de agosto.
 
A Delegación de Cultura do Concello de Foz anunciou o programa de mostras que acollerá a sala de exposicións do Cenima neste vindeiro mes de agosto e as dúas primeiras semanas de setembro. A primeira delas, de Enno Paulusma, é unha mostra pictórica que estará aberta aos visitantes entre o día 1 e o 14 deste mes. A segunda, titulada Ceramic Suite, é unha exposición colectiva de cerámica contemporánea que se inaugurará o 16 de agosto e estará aberta até o 15 de setembro.
O horario da sala de exposicións do Cenima é 11 a 14 horas e de 15 a 20 horas de luns a sábados.
 

Ata o 31 de xullo poderase ver no Cenima, en Foz, a exposición "Peixes de tinta e barro". Trátase dun conxunto de pezas de cerámica e gravados de tres artistas.

Etiquetas:
Cenima, exposición, Foz
14/07/2015
Ata o 31 de xullo poderase ver no Cenima, en Foz, a exposición "Peixes de tinta e barro". Trátase dun conxunto de pezas de cerámica e gravados de tres artistas.
 
No Centro de Interpretación da Mariña (Cenima), de Foz, será inaugurada mañá, mércores, día 15 de xullo, ás 18:30 horas unha exposición titulada Peixes de tinta e barro. 
A mostra, que estará situada na Sala de Exposicións do Cenima, trátase dun conxunto de pezas de cerámica e gravados monotipos de Ana Fuentes, Esteban Bernárdez e Esteban Fuentes. E estará aberta ao público ata o 31 de xullo.