Las Rozas

O Pescados Rubén Burela FS defenderá o seu doblete de Copa de S.M. da Raíña estreando a final a 8 de Las Rozas con arrecendo irmandiño, co Ourense Envialia como o primeiro obstáculo, o venres 30, en cuartos. Así o decidiu o sorteo puro celebrado na Cidade do Fútbol de Las Rozas, nun acto que contou coa presenza da seleccionadora nacional, Claudia Pons, e da colexiada Sara Gutiérrez. 

Os partidos de cuartos de final xogaranse o venres 30 de abril. As semifinais fixaranse o sábado 1 de maio, mentres que o domingo día 2 queda reservado para o partido decisivo. 

Os afeccionados poderán seguir todos os partidos da competición por Teledeporte, xa sexan televisados ou a través da páxina web de RTVE.