A Directiva Fraga das Saímas ven de abrir o prazo de inscrición para participar no seu Iª Concurso de Karaoke, onde @s amantes da música e a canción teñen a oportunidade de disfrutar da súa afición compartindo coa asociación un sábado de festa, alegría e bo humor.
Só as quince primeiras persoas que se animen a chamar, antes do 10 de abril, para inscribirse no concurso serán as afortunadas en participar na 1ª etapa eliminatoria do Karaoke que se celebrará o 18 de abril a partir das 13.00 horas, podendo conquistar un dos premios se logran pasar a gran Final ou Semifinal.
@s concursantes, que poderán participar en solitario ou como compoñentes dun grupo, terán que elixir como máximo 3 cancións coas que van a participar, debendo indicarnos os títulos das mesmas no momento da inscrición.
Os premios serán para as tres mellores interpretacións (individual ou colectiva), para o cal o Xurado Avaliador terá en conta a posta en escea, a calidade interpretativa e entonación, ademais da letra.
Para mais información as persoas interesadas neste concurso poden consultar as bases do mesmo no seguinte enlace http://mulleresfragadassaimas.blogspot.com.es/p/documentos-para-descargar.html