O sábado, 23 de xullo, Nordés (coa colaboración do Colectivo Pensamento e Sementeira) contará coa empresa Mar de Ardora para falarnos sobre un mundo descoñecido aínda para moitos, as algas. Agardámosvos para escoitalos dende as 11 da mañá no “Restaurante de Areagrande” (San Román). Logo, camiñaremos polo areal ata achegarnos á zona onde proliferan as algas e poderemos ver, tocar e poñer en práctica o dito durante a charla.
Máis tarde realizaremos a degustación dun menú con algas no Chiringuito “Abrela” por 20€/persoa: pizza de cogumelos con algas, risotto de azafrán e gambas con alga nori e salpicón de merluza con vinagreta de espaguete de mar, máis o postre, as bebidas e o café.
Nordés tamén pensou naquela xente que non se pode achegar pola mañá á actividade ou á degustación! E que vos propoñemos? Unha ruta de pinchos con algas, de balde, nos seguintes locais, dende as 8 da noite: “Chiringuito Abrela” (praia da Abrela), o “Café-bar Alba” (O Folgueiro), o “Restaurante Casa Fanego” (San Román) e o “Restaurante Areagrande” (San Román).
Aínda nos quedan 25 prazas para a comida, polo que si vos interesa, apuntádevos axiña (antes do 20 de xullo) a través do 653756454 (Ricardo).