Aciam Xove sorteará 1.500 euros en premios entre as persoas que realicen as súas compras de Nadal no comercio local.

Aciam Xove organiza a campaña de Nadal para potenciar as compras no comercio local e sorteará 1.500 euros en premios entre os seus clientes.

As persoas que realicen compras no comercio da vila recibirán papeletas, ata esgotarse, para o sorteo que se celebrará o día 14 de xaneiro.

Os premios consistirán en vales de compra para gastar no comercio local asociado e haberá 1 de 500 euros, 2 de 250 euros e 5 de 100 euros.

O sorteo será presencial e terá lugar o 14 de xaneiro ás 20:30 horas diante da Oficina de Turismo.