A alcaldesa de Mondoñedo, Elena Candia, recibiu onte a un grupo de mozos e mozas que participaron nunha ruta guiada á Cova do Rei Cintolo entre os que se atopaba a visitante número 12.000 dende que comezaron as visitas guiadas á cavidade. Por ese motivo, a rexedora local fixo entrega dun diploma acreditativo e convidou a Lidia Riobó a coñecer a cova máis extensa de Galicia de xeito gratuíto.
O Goberno local destaca que “no presente ano 2018 se están superando todas as cifras de visitas á cova rexistradas nos anos anteriores”. De feito, as cifras de mediados de setembro amosan un incremento do 5% sobre o final de setembro do ano pasado. Igualmente, o mes de agosto pechousecun incrementodo número de visitantes por riba do 35% con respecto ao ano 2017.
Agora mesmo xa se superanun 2% as cifras do peche de campaña do ano 2017 que, á súa vez, rexistraba as mellores cifras ata a actualidade dende que no ano 2009 se puxeran en marcha as visitas de xeito ininterrompido a pesar de que a primeira experiencia data do 2006.
Compromiso do Goberno local coa Cova do Rei Cintolo
Estes datos poñen de manifesto “o traballo de promoción levado a cabo dende o Concello”. Pero, ao traballo no eido da promoción das potencialidades turísticas do municipio hai que engadir os investimentos realizados para mellorar os accesos á propia Cova do ReiCintolo a través da instalación dunha pasarela de madeira.
Visitas á Cova do Rei Cintolo
Calquera persoa maior de 12 anos sen lesións ou problemas cardiorrespiratorios interesada en visitar estas cavidades pode informarse na oficina de turismo a través do teléfono 982 50 71 77. O prezo da visita guiada dunha duración estimada de hora e cuarto e que inclúe o equipamento necesario -casco, luvas, mono...- é de 15 euros.
Ata finais de setembro será posible visitar a Cova do Rei Cintolode luns a domingo en grupos reducidosás doce do mediodía, ás cinco da tarde ou ás seis e media da tarde. Eses mesmos horarios manteranse as fins de semana, pontes e festivos do mes de outubro. Xa nos meses de novembro e ata mediados de decembro as visitas celebraranse as fins de semana, pontes e festivos en grupos que poderán acceder á cavidade ás doce do mediodía ou ás cinco da tarde.