Visitas

Etiquetas:
26/03/2024

Con motivo da Semana Santa, Ana de Guía tu día organiza varias visitas guiadas durante a ponte festiva. 

O xoves 28 e venres 29 serán unhas visitas combinadas en Ribadeo, visitando o casco histórico e o barrio indiano de San Roque onde "coñeceremos de preto a historia do porto comercial de Ribadeo reflectido nas súas casas de comerciantes e edificios emblemáticos e a pegada que deixaron os indianos na vila coas súas chamativas vivendas". 

O sábado 30 a visita será en Mondoñedo para coñecer outro dos cascos históricos emblemáticos da comarca, rememorando as persoas ilustres que aquí habitaron e visitando o afamado barrio dos muíños "aquí desenvolvéronse os oficios que daban servizo a esta cidade grazas aos muíños e canais de auga".

Os paseos guiados terán unha duración aproximada de 2...

leer más
Etiquetas:
19/03/2024

Desde o CCH explican que “un ano máis seguimos ampliando a oferta de actividades da Semana Santa de Viveiro. Este ano o Juepeo do xoves 21 será o Tapeo de Cuaresma, unha iniciativa posta en marcha en colaboración coa Xunta de Cofradías da Semana Santa de Viveiro, e na que por suposto, ó ser un tapeo de Cuaresma ningunha tapa leva carne”. 

E indican que “este ano volveremos a realizar as visitas guiadas polo Casco Histórico de Viveiro da man do historiador Xesús Martínez, tamén en colaboración coa Xunta de Cofradías de Viveiro. Esta é xa a duodécima edición, e cabe resaltar o éxito obtido nas pasadas edicións que fai que se repitan un ano mais. Durante estas datas de afluencia de visitantes a Viveiro parécenos moi interesante ofrecerlles a posibilidade de coñecer a cidade por medio destas visitas guiadas e de xeito gratuíto. O obxectivo é...

leer más
Etiquetas:
29/12/2023

A sala de exposición da biblioteca municipal de Viveiro acolle ata o día 6 de xaneiro, sábado, o belén instalado pola asociación Bágoas da Terra. Pode visitarse de 12:00 a 13:30 horas e de 17:30 a 20:30 horas

É un belén que ten figuras ataviadas co traxe tradicional galego, algunhas delas en movemento, e construcións feitas a man polo artesán Hortensio Gómez. Os murais e o cartel son obras de Esther Raposo.

 

Etiquetas:
27/12/2023

A Organización de Produtores Pesqueiros do Porto de Burela presenta a través da súa páxina web www.oppburela.com a posibilidade de realizar unha serie de visitas virtuais a barcos de pesca das súas frotas, para que o público poida coñecelos a través da pantalla do seu ordenador ou os seus dispositivos móbiles, podendo gozar aínda máis a experiencia con lentes de realidade virtual. Esta medida inclúese no seu plan de produción e comercialización 2023, con financiamento da Xunta de Galicia e a Unión Europea a través do FEMPA.

Estas visitas virtuais créanse co obxectivo de poñer en valor o oficio pesqueiro, xunto con outras accións audiovisuais para promocionar e divulgar o “oficio do mar” e a actividade pesqueira das diferentes frotas da OPP Burela.

Pódese acceder a estas...

leer más
Etiquetas:
13/12/2023

O tradicional belén da Rigueira, no municipio de Xove, leva realizándose  por estas datas desde hai máis de tres décadas grazas á iniciativa e dedicación da veciñanza desa parroquia. E desde o pasado domingo, 10 de decembro, pode visitarse tódolos sábados, domingos e festivos de 16:00 a 19:00 horas na Igrexa da Rigueira, excepto Noiteboa e Fin de Ano, días nos que pechará ás 18:00 horas.

18/07/2023

Ribadeo ofrece visitas guiadas polo seu pasado ilustrado, indiano e antigo. Este verán tamén volven as Xeorutas. A programación foi presentada polas concelleiras de Turismo e Cultura, Marta Saiz e Begoña Sanjurjo.

A responsable de Turismo contou que “a Concellería de Turismo ofrece un ano máis durante a tempada estival as súas visitas guiadas. Estas distribúense ó longo de toda a semana e ofrécense de forma gratuíta a todas as persoas interesadas, tanto residentes como visitantes. Para poder formar parte delas só se require inscrición previa, que se pode realizar a través da páxina turismo.ribadeo.gal”.

Marta Saiz explicou que “as visitas divídense en dous grupos, dependendo da ubicación do percorrido: as que discorren polo casco histórico e as xeolóxicas polo litoral, mais coñecidas como Xeorutas. Entre as...

leer más
Etiquetas:
15/07/2023

En xullo haberá visitas guiadas á exposición sobre o homeneaxeado na pasada edición das Letras Galegas 2023, Francisco Fernández del Riego, Serán os venres  14, 21 e 28 dende ás 11 ata a 13 horas no Museo de Arte Sacro.

A exposición “Cos ollos do seu espírito”, inaugurada no pasado maio, está organizada polo Concello de Lourenzá e a Xunta de Galicia así como a mesa  Don Paco de Lourenzá e a editorial Galaxia, da que foi co-fundador o protagonista. Nela, ten lugar un repaso polo seu traxecto vital e profesional para comprender quen foi a figura e o gran legado que deixou tras el.

O Museo de Arte Sacra de Lourenzá, a vila natal do protagonista do Día das Letras Galegas 2023, é a primeira parada da exposición Francisco Fernández del Riego. Cos ollos do seu espírito, comisariada por Malores Villanueva e Malós Cabrera...

leer más
Etiquetas:
27/06/2023

Burela de Ruta Verán 23 é a oferta turística do Concello para este verán, que foi presentada este mediodía no Barco Museo Reina del Carmen. Trátase dun conxunto de visitas guiadas coas que se pretende dar a coñecer e poñer en valor o extenso patrimonio mariñeiro, o singular patrimonio xeolóxico, declarado geosite, e o patrimonio artístico-cultural, fomentando así un turismo de calidade, sostible e slow, para poder coñecer en profundidade o territorio, a súa esencia e idiosincrasia.

O concelleiro de Turismo, Ramiro Fernández, contou que “son actividades que se implantaron por primeira vez o ano pasado e funcionaron moi ben, polo que entendemos que temos que seguir nesa liña. Algunha xa leva varios anos funcionando, como as rutas da lonxa, que é unha das actividades con máis éxito e que máis lles gusta á xente e temos moita afluencia a elas...

leer más
Etiquetas:
21/06/2023
O Concello de Barreiros presenta o seu novo Programa de Visitas Guiadas Barreiros queda en ti para este verán con novas propostas respecto ás anteriores edicións.
A través de percorridos de diferentes temáticas e en diferentes localizacións do municipio, tanto de interior como de costa, preténdese sacar á luz a esencia do territorio, amosando a súa riqueza cultural, ambiental e xeolóxica así como as formas de vida das súas xentes. 
 
Segundo Ana Ermida, Alcaldesa e Concelleira de Turismo, “en Barreiros contamos con numerosos recursos turísticos dos que estar orgullosos, tanto pola súa beleza como polos seus valores e este programa danos a oportunidade de achegarnos a eles dunha forma máis completa”.
 
Así, desta vez, contaremos coas seguintes cinco propostas con posibilidade de participación tanto en xullo como en agosto: ...
leer más
Etiquetas:
27/04/2023

Mañá, 28 de abril, abrirá ao público o Castelo de Castrodouro e a Oficina de Información Turística de Alfoz. Os horarios serán: venres, sábados, domingos e festivos de 11:00 a 14:00 horas polas mañás e de 16:00 a 20:00 horas polas tardes. O día 1 de maio, así coma o 17 Día das Letras Galegas permanecerá aberto nos horarios sinalados.

Poderase visitar o Castelo e desfrutar das impoñentes vistas desde o alto da torre, tamén ver as distintas exposicións: Antigas Escolas, Pinturas de Hipólito Xeada ou fotografías de Alfoz en primavera.

Tamén dispón de audioguías ficcionadas para realizar o percorrido polo Castelo da man do grupo de teatro Chévere e coñecer a historia e Lenda do Mariscal Pardo de Cela.