Visitas
Mañá, 28 de abril, abrirá ao público o Castelo de Castrodouro e a Oficina de Información Turística de Alfoz. Os horarios serán: venres, sábados, domingos e festivos de 11:00 a 14:00 horas polas mañás e de 16:00 a 20:00 horas polas tardes. O día 1 de maio, así coma o 17 Día das Letras Galegas permanecerá aberto nos horarios sinalados.
Poderase visitar o Castelo e desfrutar das impoñentes vistas desde o alto da torre, tamén ver as distintas exposicións: Antigas Escolas, Pinturas de Hipólito Xeada ou fotografías de Alfoz en primavera.
Tamén dispón de audioguías ficcionadas para realizar o percorrido polo Castelo da man do grupo de teatro Chévere e coñecer a historia e Lenda do Mariscal Pardo de Cela.
Este ano volven as visitas guiadas polo Casco Histórico de Viveiro da man do historiador Xesús Martínez, tamén en colaboración ca Xunta de Cofradías de Viveiro.
Esta é xa a undécima edición, e desde o CCH resaltan o éxito obtido nas pasadas edicións que fai que se repitan un ano mais.
“Durante estas datas de afluencia de visitantes a Viveiro parécenos moi interesante ofrecerlles a posibilidade de coñecer a cidade por medio destas visitas guiadas e de xeito gratuíto”, indican desde o CCH.
“O obxectivo é dar a coñecer o noso patrimonio cultural e artístico, non só a visitantes, senón tamén ós lugareños, para os que a maioría das veces o mais cercano é o mais descoñecido. Con esta actividade poténciase o patrimonio material e inmaterial, a historia da nosa vila e como redundou no resto de...
leer más
A Mancomunidade de Concellos da Mariña Lucense colabora co Concello de Lourenzá e coa Mesa Coordinadora Don Paco no programa cultural que organizan polo Día das Letras Galegas, dedicado neste 2023 a Francisco Fernández del Riego.
A Mancomunidade adaptou para este programa cultural a audioguía ficcionada do concello laurentino Vilanova de Lourenzá. Paisaxes da memoria. Fernández del Riego descóbrenos os recunchos dunha nenez feliz, a cargo do Plan de Sostibilidade Turística da Mariña Lucense, cofinanciado pola Mancomunidade, a Xunta de Galicia e a Secretaría de Estado de Turismo coa colaboración da Deputación de Lugo.
Xa que a Real Academia Galega decidiu dedicarlle as Letras Galegas 2023 ao escritor e intelectual laurentino Francisco Fernández del Riego, o Concello de Lourenzá e a Mesa Coordinadora Don Paco -que...
leer más
Na cidade do Landro xa se pode visitar o belén ‘Viveiro ante o berce’, no atrio da igrexa de Santa María. Este belén está considerado como un dos máis importantes de Galicia, tanto pola súa beleza e pola dimensión das pezas que o compoñen, como pola extensión do conxunto do propio belén e por estar instalado nun enclave histórico-monumental único.
O acto de inauguración tivo lugar na xornada de onte, 5 de decembro, ao igual que o acendido da iluminación de Nadal.
A delegación de Turismo do Concello de Burela informa de que continúan as visitas guiadas arredor do patrimonio mariñeiro da vila durante este mes de setembro e fai unha valoración moi positiva dos datos que deixaron os meses de xullo e agosto.
A aposta pola promoción turística nun dos portos máis importantes do Cantábrico e do país responde á necesidade de dar a coñecer e poñer en valor os oficios tradicionais e artesanais ligados ao porto. A través destas visitas que tiveron un gran éxito ao longo de todo o verán ofrécese a posibilidade a moitos dos visitantes que chegan a Burela de mergullarse nas entrañas da zona portuaria e no seu funcionamento e actividade.
Tanto é así que nos meses de xullo e agosto a Oficina de Turismo ofreceu información a un total de 6.197 visitantes, incrementándose respecto ao ano...
leer más
A partir do 20 de agosto o Concello do Valadouro realizará varias rutas guiadas interpretativas para coñecer a contorna da Serra do Xistral, facendo sendeirismo e combinando o coñecemento da natureza co aspecto cultural e histórico.
O 20 de agosto será a Ruta dos Pozos, de dificultade baixa. O 26 será a Ruta Fraga da Furna, tamén de dificultade baixa. O 1 de setembro terá lugar a Ruta Dolmen e Prado das Chantas, de dificultade alta, e por último o 6 será a Ruta Formación Rochosas Picos do Valadouro, tamén de dificultade alta. Todas as rutas comezarán as 9:30 horas e durarán entre dúas e tres horas e media aproximadamente.
As prazas son gratuítas e limitadas a 20 persoas. As persoas interesadas en acudir encontrarán máis información e poderán inscribirse na páxina https://bit.ly/...
leer más
En agosto seguen as visitas guiadas ao Mosteiro de San Salvador, en Lourenzá. Teñen lugar de luns a sábado ás 12 da mañá. As persoas interesadas en obter máis información poden dirixirse ao teléfono: 982121006, por correo electrónico a lourenzaturismo@outlook.es ou por whatsapp ao 646384124
O Mosteiro de San Salvador é sen dúbida, o monumento máis importante do concello, un referente do barroco galego. Foi declarado monumento histórico-artístico no 1974.
Os primeiros datos da súa existencia son do 947. A partir do século XII, pasou de mosteiro familiar a mosteiro beneditino. A partir do 1505, intégrase na congregación de San Benito de Valladolid. No 1642, o prestixio da abadía chegou a tal que o rei Felipe IV outorgoulle o título de Marqués de Lorenzana a Don...
leer más
O castelo de Castro de Ouro, o emblema do Concello de Alfoz, está aberto de martes a domingo en horario de 11:00 a 14:00 horas polas mañás e de 17:00 a 20:00 horas polas tardes.
A entrada é de balde tanto para visitar as diferentes exposicións coma para ver o val dende a perspectiva que nos ofrece o alto da fortaleza. Ademais, a Oficina de Información Turística encontrase situada neste castelo, polo que o persoal pode informar sobre os distintos recursos de Alfoz e da comarca da Mariña. Contan tamén con audioguías, sen custo, para facer máis amena e interesante a visita e coñecer a historia do Mariscal Pardo de Cela.
Para calquera consulta, chamar ao teléfono 982 558 578.
A Concellaría de Turismo organiza 11 percorridos guiados a través do patrimonio natural e cultural durante este verán. A programación foi presentada polo edil Pablo Vizoso.
O concelleiro ribadense explicou que “desde Área de Turismo do Concello de Ribadeo organízanse 11 percorridos guiados a través dos que se poderá descubrir o seu importante patrimonio natural e cultural. Trátase dunha serie de rutas accesibles, para todos os públicos, nas que se mostrarán aspectos moi diversos tanto dende o punto de vista natural como cultural”.
Vizoso Galdo subliñou que “este ano temos unha novidade, xa que se incorpora unha nova visita teatralizada polo legado indiano, coa que daremos a coñecer a historia viva da pegada da emigración a ultramar.Continúan as outras 2 visitas teatralizadas que o ano pasado tiveron tanto éxito:...
leer más
O Concello de Viveiro anuncia o comezo do programa estival de visitas guiadas, que terá lugar desde este luns, 20 de xuño, ata o 18 de setembro.
As actividades terán carácter gratuíto e se levarán a cabo todos os días da semana. Un dos seus alicientes será a ampla variedade da proposta, que vai desde visitas culturais a roteiros de sendeirismo, pasando por itinerarios panorámicos en múltiples lugares de interese do concello.
En concreto, haberá dous percorridos no Vivertren (Souto da Retorta os luns e a Área Etnográfica da Insua os domingos); dúas rutas de sendeirismo (Muíños de Balea os mércores; Monte San Roque os venres), e tres visitas polo casco histórico, nas que se propoñen distintas temáticas (o antigo recinto amurallado os martes, os barrios gremiais os xoves, e os séculos XIX e XX os sábados).
... leer más- « primero
- ‹ anterior
- 1
- 2
- 3
- 4
- 5
- 6
- 7
- siguiente ›
- última »