Tapeo

Etiquetas:
13/05/2022

O Ribadeo de Tapeo 2022, que da comezo mañá, inclúe a I Gastro-Oca o 16 de maio a partires das oito e media da tarde. Para participar é preciso anotarse, segundo deu a coñecer o concelleiro de Desenvolvemento Local, Comercio e Turismo. 

Pablo Vizoso sinalou que “por fin esta fin de semana dá comezo o Ribadeo de Tapeo, que xa vai na súa décimo quinta edición, que se vai celebrar entre o 14 e o 22 de maio e no que participan 32 establecementos da hostalería da nosa vila. O prezo das tapas será este ano de 2 euros e, como novidade, tamén haberá tapas para vexetarianos e específicas para celíacos; precisamente con ese obxectivo traballamos en colaboración coa Asociación de Celíacos de Galicia”.

O edil ribadense explicou que “contaremos tamén coa proposta dos Soños Gastronómicos, na que 9 dos nosos establecementos...

leer más
Etiquetas:
27/04/2022

Hoxe foi presentado o cartel da décimo quinta edición do Ribadeo de Tapeo, o concurso gastronómico que se desenvolverá do 14 ao 22 de maio en máis de 30 locais hostaleiros. Haberá sobremesas culturais, soños gastronómicos, Letras no Campo ou O Renacer do Cantil, entre outras actividades. O concelleiro de Turismo, Pablo Vizoso, subliñou que unha das novidades será a fase previa voluntaria de asesoramento para os locais que o desexen a cargo do chef Daniel López, do restaurante O Camiño do Inglés e membro do coñecido Grupo Nove. 

O edil ribadense manifestou que “un ano máis o Concello de Ribadeo organiza o Ribadeo de Tapeo, que xa vai pola súa décimo quinta edición e que terá lugar entre o 14 ao 22 de maio. Este concurso, decano dos fogóns da gastronomía de Galicia, é un dos nosos mellores escaparates gastronómicos. Nesta ocasión máis dunha...

leer más
Etiquetas:
30/03/2022

Do 14 ao 22 de maio terá lugar o XV Ribadeo de Tapeo. Os establecementos hostaleiros que desexen participar neste concurso gastronómico teñen ata o 11 de abril para anotarse. 

O concelleiro de Desenvolvemento Local e Turismo, Pablo Vizoso, contou que “este ano o Concello de Ribadeo retoma, despois desta época complexa derivada da crise sanitaria do covid, o famoso concurso gastronómico Ribadeo de Tapeo, que chega á súa décimo quinta edición”. 

O edil ribadense dixo que “este evento que viña colleitando éxito ano tras ano, é un escaparate e unha oportunidade para difundir a nosa gastronomía, ademais do bo facer dos profesionais da hostalaría ribadense.Converténdose esta cita nunha das mellores plataformas gastronómicas, un espazo onde compartir novas ideas e propostas desta cociña en miniatura e fomentar a nosa...

leer más
Etiquetas:
29/03/2022

Durante o 1, 2 e 3 de abril tedes unha cita gastronómica en Trabada!

O Concello de Trabada organiza en colaboración cos establecementos hostaleiros unha nova edición do TapEo.

A Taberna da Curuxeira ofrece as seguintes tapas: empanadillas mariñeiras e carne ao caldeiro; no Novo Bar O Porfirio as tapas que presentan son: capricho de mar e hamburguesa trufada e O Batuxo Meson as tapas que propón son: marinada e o cortello!

O próximo sábado, 2 de abril, visitará Trabada o grupo de teatro Axóuxeres para presentar “Cousas de Mulleres”.

A actuación comezará as 21 horas na Casa da Cultura. 

Etiquetas:
22/02/2022

A.C.D. As Minas organiza, coa colaboración do Concello de A Pontenova, o Entroido de Tapeo que se celebrará o vindeiro sábado, 26 de febreiro.

Os bares do pobo ofrecerán tapas e pinchos dende as 20:00 horas e haberá sorteo de cestas de entroido para as persoas que asistan disfrazadas.

O domingo, 27 de febreiro, celebrarase un carnaval infantil organizado por C.I.T. A Pontenova coa colaboración do Concello de A Pontenova e a ANPA C.E.I.P. A Pontenova. A festa terá lugar no pavillón municipal Tito Margaride, a partir das 17:00 horas, con xogos, música, baile e taller de máscaras, entre outras actividades.

Turismo de A Pontenova organiza un concurso de fotografía, tanto para adultos como para os máis cativos. É moi fácil participar, segundo os convocantes, “sube a túa fotografía na app, na...

leer más
Etiquetas:
19/01/2022

Este xoves, 20 de xaneiro, comeza unha nova edición de Sanci Tapeando nos bares de San Ciprián. 

Será desde o 20 de xaneiro ao 26 de maio todos os xoves. Os establecementos participantes son: Bar O Faro, Terraza O Noso Lar, Aquelarre, Cervecería Las Titas e Mesón A Bodega.

Como premios haberá dous vales de 200 euros e 100 euros respectivamente, para gastar nos locais participantes.

O prezo das tapas é de 2,50 euros.

 

Etiquetas:
22/10/2021

AciaFozCCA organiza unhas Xornadas de Tapeo de Carne de Poldro que se celebrarán os días 30 e 31 na Ponte de Santos.

Un total de quince establecementos hostaleiros participan nesta iniciativa ofrecendo tapas gratuítas con cada consumición.

Os locais que ofrecerán as súas preparacións con carne de poldro son: A Rambla- Pachán, A Viela, Anduriña, As Brasas, Augas Santas, Casa Damián, Dandy, Hotel Oca, O Lar, O Muelle Bar, Pizzería Xoiña, Portochico, Tangarte e Xoyma.

AciaFozCCA quere potenciar deste xeito a oferta gastronómica cun produto de calidade nunhas preparacións que poden resultar novidosas. O presidente, José Carlos Paleo, anima a focenses e visitantes “a saborear as propostas con carne de poldro de pura raza galega que vai elaborar a nosa hostalería durante a última fin de semana...

leer más
Etiquetas:
26/04/2021

Tapea con mamá é a nova campaña gastronómica que pon en marcha Acisa Ribadeo os días 1 e 2 de maio. A cita, na que participan 17 establecementos asociados, ven completar a programación da asociación para a súa campaña do dia da nai. 

O xerente de Acisa, Jesús Pérez, manifestou: “creemos que esta é unha boa oportunidade para reactivar as accións de dinamización hostaleira con sentidiño, ven programada e cumprindo todas as normas de seguridade. Xa hai mais dun ano que case non se fai algo para o sector e toca reactivalo, a modiño, con prudencia pero con ilusión. A vida segue, e debemos retomar as actividades perdidas, do mellor xeito que poidamos”.

Pérez Prada explicou que “nesta primeira actividade da hostalaría deste ano participan un total de 17 establecementos. Dende o próximo mércores haberá en todos eles...

leer más
Etiquetas:
23/11/2020

ACIAM Xove volve organizar, coa colaboración do Concello, e despois duns cantos meses, o Xove de Tapeo, que se arrinca este venres, 27 de novembro.

Sete establecementos participan nesta cita gastronómica, que  a partir das 19:00 horas ofrecerán as súas tapas especiais ao prezo de 2 euros.

O Xove de Tapeo pode degustarse en: O Cabaliño, co seu Lacón con grelos; Os Faroles, que ofrece Xamón cocido con patacas e chourizo; Onde Sempre, que presenta Asado de tenreira sobre base de patacas; Bar Pepe, con Raxo á tixola; O Refugio, que elabora Lombo de porco ó forno envolto en bacon; O Cociña, que prepara Milfollas de pataca con cinta de lombo e salsa de piquillos; e Lugar das Marías, con Mini burguer de peixe espada con toque de curry e marmelada de pementos.

A organización lembra a tod@s os/as...

leer más
Etiquetas:
06/11/2020

O Concello de Cervo segue colaborando na iniciativa Sanci Tapeando, que se leva a cabo todos os xoves deste mes de novembro en sete establecementos hostaleiros de San Ciprián.

Os locais participantes ofrecerán tapas ao prezo de 2 euros, que serán diferentes os vindeiros días 12, 19 e 26. Sortearanse entre os asistentes dous vales por importe de 180 e de 100 euros para gastar nos establecementos que levan adiante esta campaña.

Participan en Sanci Tapeando: Café-Bar O Faro, Mesón A Bodega, Cervecería O Encontro, Café-Bar Maruxaina, Pizzería O Trasgo, Cervecería Las Titas e Terraza O Noso Lar.