Publicaciones
Dous libros escritos por Federico Mediante Noceda, titulados Flores de Sombra e A orillas del Pilcomayo, serán presentados en Ribadeo este sábado, día 8 de novembro, ás 20:00 horas Biblioteca Municipal El Viejo Pancho.
O acto contará con intervencións do xornalista Martín Fernandez Vizoso, do editor da publicación, Antonio Andina Penabad, de Eoditorial; e de Ana Martínez Loredo, neta do autor.
O escritor Ulises Bértolo presenta este venres, 7 de novembro en Ribadeo a súa nova novela, “Exitus”
O escritor Ulises Bértolo presenta en Ribadeo a súa nova novela, titulada Exitus: la muerte nunca es el final. Será este venres, día 7 de novembro, ás 20:00 horas na Biblioteca Municipal El Viejo Pancho.
Ulises Bértolo García naceu en Madrid en 1967 e actualmente reside en Santiago. É escritor, avogado e profesor. Licenciado en Dereito pola Universidad Complutense de Madrid, é avogado en Santiago e Madrid, profesor de Dereito e académico de número da Academia Xacobea e asesor do Instituto Internacional de Criminoloxía Aplicada.
O recentemente creado Club de Lectura O Vicedo terá a súa primeira reunión o día 5 de novembro, mércores, ás 19:00 horas.
A Casa da Cultura anuncia a creación dese club de lectura e explica que “os participantes reuniranse unha vez ao mes para comentar un libro que lles será prestado polo Club de Lectura e comentarán as súas sensacións sobre a obra, se gustou ou non, a temática, a forma en que foi escrito, etcétera. Unha ocasión para aprender uns de outros e ver as distintas formas de interpretar un libro. En principio vai haber unha reunión inicial informativa a posibles interesados para explicar as características do club de lectura, decidir día e hora de celebración das reunións, etcétera; non implica que vaia quedar ese día da semana nin esa hora. Animámosvos a participar, probar e seguro que vos gusta”.
O Concello de Mondoñedo anuncia que a partir do martes 4 de novembro de 2025 ás 10 da mañá poderase solicitar o libro de homenaxe a Xosé Vizoso, que se presentou durante As San Lucas deste ano, na Oficina de Turismo de Mondoñedo.
“As condicións de entrega do mesmo, aprobadas pola Comisión Organizadora dos Eventos de Homenaxe a Xosé Vizoso, son as seguintes: o libro entregarase de forma gratuíta, non terá custo algún; só se entregará un exemplar por persoa; a recollida debe ser presencial na Oficina de Turismo de Mondoñedo, non se fará ningún tipo de envío; e non se farán reservas telefónicas nin de ningún outro tipo”, explica o Concello de Mondoñedo.
O xurado do sétimo Premio de Novela Vilar Ponte, convocado polo Concello de Viveiro, acordou por unanimidade conceder o galardón á obra A dous pasos do Edén, de Pura Salceda Carballeda, e nomear como finalista a novela Vera, de Ignacio Vidal Portabales.
Da novela gañadora, A dous pasos do Edén, o tribunal destacou “a habelencia para mergullarnos no límbico mundo hospitalario no que se move o protagonista, un paciente en diálise que rememora unha intensa vida amatoria mentres cruza o seu camiño cunha miríade de personaxes cos que coincide nas sesións de tratamento. Vidas que converxen nun purgatorio de salas de hospital no que acaban tecéndose redes de amizade e afectos que fan fortes a estes seres fronte ao horizonte dun final ameazante”.
En canto á obra finalista, Vera, o...
leer más
O xornalista e escritor Martín Fernández Vizoso presentará en Lourenzá o seu último libro publicado, que se titula Memoria de mariñáns, tomo 3. Será este venres, día 31 de outubro, ás 20:00 horas no salón de actos municipal.
É unha actividade organizada pola asociación Patrimonio Laurentino coa colaboración do Concello de Lourenzá.
Este xoves, día 30 de outubro, ás 20:30 horas vai estar na Libraría Bahía, de Foz, o escritor Fernando Castro Paredes para falar sobre a súa última novela, O lanzador de coitelos, coa que gañou o premio Galaxia 75 aniversario, “un premio puntual có que a editorial Galaxia quixo celebrar unha efemérides tan importante. Trátase dunha novela de gran talento literario, que cós recursos da novela negra indaga sobre a identidade, a arte e as paixóns dos seres humanos” explica Libraría Bahía, que engade: “Fernando Castro naceu na veciña Tapia de Casariego, é dramaturgo e actor; antes de esta novela, ademais de obras de teatro, tiña escrito un libro de relatos, titulado Entomoloxía para misioneiros”.
Este encontro é unha actividade do club de lectura A carón dos libros, aberto para todo o público.
O libro titulado Espiritualidad, escrito por oito persoas, será presentado en Foz o día 31 de outubro, venres. Será ás 21:00 horas no salón de actos do CENIMA.
Os autores explican que “é, máis que un traballo, unha reflexión conxunta entre persoas que buscan a verdade interior por diferentes camiños, que tentan atopar o ben de diversas formas. Espiritualidad naceu dun programa coloquio en Radio Burela a principios do ano 2018, que se continuou logo a través de diálogos e entrevistas telefónicas ao longo de diversos meses, incluso na época da pandemia do COVID. Agora presentámosvos o froito de tanto diálogo e tanta busca neste libro”.
Os autores son: Jesús Álvarez Piñón (sacerdote católico, actual párroco de Viveiro); David Val Pena (idealista espiritual, locutor de Radio Foz e promotor do poboado...
leer más
A concelleira de Cultura, Inés López Couto, anuncia que o profesor Pepe Otero presentará este sábado, día 25 de outubro, o seu novo libro, titulado Un paseo polo labirinto. Será no salón de actos da Casa da Cultura de Foz ás 12.30 horas.
Nesta presentación intervirán Darío Villanueva, que foi director da Real Academia Española, e o escritor Ramón Reimunde, ademais do propio autor do libro.
A recadación da venda deste exemplar será doada aos servizos sociais do Concello de Foz.
Colaboran nesta iniciativa as librerías locais Bahía, Ofifoz e Rapadoira.
O xornalista lugués Paco Nieto presentará en Ribadeo o seu libro titulado Bo proveito, amiguiños. Lugo, 90 anos de radio. Será o 24 de outubro no Salón dos Alcaldes do Concello ás 19:30 horas.
O libro é un reflexo da paixón que Paco Nieto sente pola radio, medio no que traballou en Lugo durante 47 anos, primeiro en Radio Popular-Cope e desde 1999 ata a súa xubilación en Radio Lugo-Cadena Ser. Música, programas matinais ou tertulias de actualidade foron algúns dos formatos nos que desenvolveu a súa profesión.
No libro Paco Nieto recolle o nome de arredor de 400 mulleres e homes que formaron parte da radio na provincia de Lugo, de norte a sur, de leste a oeste, ao longo de 90 anos desde 1935 ata 2025.
Foi un 27 de outubro de 1935 cando a radio local se poñía en marcha en Lugo. E...
leer más