Do 24 de marzo ao 15 de maio estará aberta no Centro Comarcal de Mondoñedo a exposición de alumn@s de Juan Puchades Quilis.

Este sábado, 24 de marzo, inaugúrase en Mondoñedo unha exposición de artistas que foron alumnos e alumnas do escultor Juan Puchades Quilis. O acto terá lugar, ás 19:00 horas, no Centro Comarcal de Mondoñedo (antiga Casa Cuartel).

A mostra, organizada pola asociación cultural Tá en Artes, está composta por 49 obras de 17 artistas nos que figuran Alberto Pena, Alfonso Otero Regal, Alicia Puchades, Antón Caxoto, José Artiaga, Daniel Caxigueiro, Elsa Martínez Vázquez, Ernesto G. Torterolo, Manuel Tella, Mª Consuelo Fernández, Mauro Leivas, May Carro Cabaleiro, Melchor Maseda Rey, Miguel Alonso, Pablo Cid, Reme Espantoso e Xosé Vizoso.

Esta exposición permanecerá no Centro Comarcal de Mondoñedo ata o 15 de maio, conta coa edición de 500 catálogos onde por primeira vez se recompila a obra de Juan Puchades Quilis. O escultor, nado en Valencia, foi mestre no IES San Rosendo de Mondoñedo por máis de corenta e cinco anos, e esta será a primeira das catro homenaxes que a asociación cultural Tá en Artes ten programado para este 2018.