As seleccións de fútbol sala A Mariña Alevín e Infantil saltaran ao parqué este domingo para disputar o Torneo Amigable de Seleccións de Lugo, que repartirá as súas sedes entre Sarria e Mondoñedo.
O combinado Alevín, baixo a batuta do adestrador da Escola Celeiro-Xove FS Andrés López e de Michael Sante, de ED Lourenzá, medirase á Terra Chá, Sur-Montaña e Lugo Centro no pavillón municipal José Mario González (O Chanto) de Sarria en horario matinal. O primeiro duelo dos mariñáns será ás 11.00 horas, coa Terra Chá.
O cadro estará composto por Jorge Rodríguez, Yago Díaz e Bruno Expósito, de ED Barreiros; Iago Pérez e Mateo Deán, de ACD Xove; Rafa Cancelos, Iago López, Esther Riveira e David Gomes, de Pescados Rubén Burela FS; xunto a Lucas Suárez, Anxo Méndez e Xabier Rodríguez, de AD Santiago de Foz.
10.00 horas: Sur/Montaña-Lugo Centro
11.00 horas: A Mariña-A Terra Chá
12.15 horas: 3º e 4º posto
13.15 horas: FINAL
Co técnico do Pescados Rubén Burela FS Mario Pillado e o de ACD Xove Carlos Gonçalves, o conxunto Infantil xogará pola tarde no municipal mindoniense fronte ás mesmas seleccións; A Mariña estrearase coa Terra Chá ás 17.30 horas.
Formarán parte do equipo Kemer Monteiro, Fernando Yanes, Isaías Fidalgo, Fode Sar e Pedro Sobrado, do Pescados Rubén; Sergi Cao, da EDM Alfoz; Imerson Sánchez, do Colexio O Pilar; Raúl López, Miguel Rivas e Nerea Lombardero, de ED Lourenzá; xunto a Lucas Manzana e Brais Vidal, de ACD Xove.
16.30 horas: Sur/Montaña-Lugo Centro
17.30 horas: A Mariña-A Terra Chá
18.45 horas: 3º e 4º posto
19.45 horas: FINAL
Preselección Galicia Benxamín
Esta semana comezou a preparación de Galicia Benxamín coa participación de catro promesas burelás que xa defenderon a Selección da Mariña conquistando o título no torneo de Lugo. Walter Gonçalves, do Pescados Rubén Burela FS, e Borja Cortegaza, Mateo Domínguez e Gabriel Díaz, de Castrelo FS, adestraron onte en Miño baixo as directrices de Miguel López, do Leis Pontevedra.