O 7 de decembro terá lugar no Centro Sociocultural de Alfoz, o obradoiro O móbil e o banco de recordos.
Dedicado a persoas maiores de 55 anos, pretende recopilar os seus recordos a través de imaxes. Os participantes deberán aportar unha ou máis fotos antigas que serán dixitalizadas e comentadas para fomentar a sociabilidade e interactividade. Os asistentes farán ese traballo de dixitalización co seu propio móbil e con esas fotografías realizarase un álbum. O obxectivo é que esa memoria dos nosos maiores perdure na rede.
Este obradoiro que dará comezo ás 10:30 horas, está organizado pola TIC da Deputación de Lugo e conta coa colaboración do Concello de Alfoz.