O Samaín chega a Ribadeo con multitude de propostas de ocio para esta fin de semana. O Concello organiza este venres, 30 de outubro, dende as 16:30 horas na Praza de Abastos un obradoiro de decoración de cabazas, para o que os participantes deben levar a súa propia cabaza e utensilios para limpala. Haberá tamén manualidades feitas con castañas e lambetadas terroríficas “truco ou trato”. Dende as 18:30 horas os cativos poderán gozar cun contacontos a cargo de A Cabaza Mostaza sobre a orixe do Samaín. Un tren das castañas asará e repartirá gratuitamente castañas durante a tarde do venres.
A cita está organizada polo OMIX e polo Concello ribadense.