Mantemento

Etiquetas:
27/10/2016
O 2 de novembro volve unha nova edición da ximnasia de mantemento ás parroquias ribadenses. A inscrición está aberta.
 
Do 2 de novembro ao 31 de maio desenvolverase unha nova edición da ximnasia de mantemento nas parroquias, que organiza o Concello ribadense. A inscrición está aberta e pode facerse cubrindo a ficha que os veciños e veciñas recibiron nos seus domicilios xunto á carta informativa que lles remitiron o alcalde, Fernando Suárez, e o concelleiro de Deportes, David Rivas, presentándoa na Casa da Xuventude ou ben entregándolla ao monitor correspondente en cada parroquia. 
 
Desde a Concellaría de Deportes lembran que “para que unha escola poida levarse adiante é preciso que conte cun mínimo de 5 alumn@s. Será preciso presentar un informe médico de conforme se pode realizar a actividade física da ximnasia de mantemento”. A cota mensual seguirá a ser de 15 euros. 
 
... leer más
30/09/2016
A asociación Salto do Coro organiza actividades de ximnasia de mantemento en Mondoñedo a partir do 4 de outubro.
 
A asociación deportiva Salto do Coro, de Mondoñedo, organiza actividades de ximnasia de mantemento, que comezarán o día 4 de outubro, martes.
 
Haberá un grupo de tonificación que desenvolverá a actividade os martes e xoves de 20:30 a 21:30 horas no polideportivo. E un grupo de ximnasia suave que será os martes e venres de 10 a 11 horas na Casa da Xuventude.
 
Os interesados en obter máis información poden chamar ao teléfono 605.790.091 e falar con Raul.
 
Etiquetas:
26/10/2015
Un ano máis haberá ximnasia de mantemento nas parroquias de Ribadeo. Será do 17 de novembro ao 16 de maio. A inscrición está aberta.
 
Volve a ximnasia de mantemento ás parroquias de Ribadeo. Será do 17 de novembro ao 16 de maio. O prazo de inscrición ábrese hoxe, 26 de outubro, na Casa da Xuventude, tal e como informaron aos veciños e veciñas o alcalde, Fernando Suárez, e o concelleiro de Deportes, David Rivas, a través da carta que lles remitiron.
Na misiva indican que “para confirmar a matrícula, deben cubrir a ficha que lles achegamos coa carta e entregala na Casa da Xuventude ou ao monitor correspondente en cada parroquia”. Rivas Peña lembra que “para que a escola se poida levar adiante é necesario que conte cun mínimo de 5 alumn@s”. E engade que “coma en anos anteriores será preciso presentar un informe médico de conforme se pode realizar a actividade física de...
leer más