O Club Baloncesto Celtas e o Club Deportivo Foz organizan unha festa de fin de ano que se celebrará na Sala Bahía. A apertura de portas será ás 01:00 horas do día 1 de xaneiro e a música correrá a cargo do grupo Los Coleguitas de Venezuela e do DJ Take Sound.
O custo das entradas é de 12 euros anticipada e 15 euros na taquilla; inclúe a entrada á festa, unha consumición, un vaso reutilizable, unha bolsa de cotillón e un número para un sorteo que farán esa noite.