A programación sociocultural do Concello de O Vicedo para o vindeiro mes de agosto inclúe oito actividades.
A primeira é unha ruta en kaiaks polo río Sor o mércores 5 de agosto ás 10 da mañá, tomando como punto de partida o porto deportivo do Vicedo desde onde se trasladará aos participantes en vehículos ata Ribeiras do Sor para emprender dita baixada e regresar ao porto do Vicedo. A duración estimada é de 2 horas; o prezo, 20 euros (materiais e transporte incluídos) e as inscricións poden facerse a través do teléfono 982.59.01.95 ou do correo electrónico omix@concellodovicedo.org. As prazas son limitadas.
O sábado 8 agosto ás 10 horas haberá a actividade titulada Río Sor, remansos de paz y biodiversidad, que consistirá nun paseo pola ruta Morgallón - Rio Sor – Morgallón, cunha distancia total de 9 quilómetros e unha duración aproximada de 3 horas. É gratuíta e é obrigatorio inscribirse a través do correo rutasgalicianorte@gmail.com.
Para o 12 de agosto, mércores, ás 10 horas está programada a actividade As Laxes, un balcón sobre a Coelleira, comezando na igrexa do Vicedo e percorrendo un tramo da ruta da costa entre a praia de Xilloi e o miradoiro das Laxes, con vistas da illa Coelleira. Son 8 quilómetros, ida e volta, cunha duración estimada de 3 horas. É gratuíta e é obrigatorio inscribirse a través do correo rutasgalicianorte@gmail.com.
Ao día seguinte, o xoves, 13, haberá un Karaoke de Verán, para todos os públicos. Será a partir das 22 horas na terraza da Casa da Cultura. Dirixido a todos os públicos
O martes 18 agosto ás 20:30 horas na Casa da Cultura do Vicedo proxectaranse as imaxes participantes no concurso de fotografía turística e entregaranse os premios aos gañadores. As bases do certame están na web www.concellodovicedo.org e o prazo para presentar fotos está aberto ata o 17 de agosto.
O 19 agosto, mércores, ás 22:15 horas haberá a ruta nocturna Praia de Abrela - Fuciño do Porco - Pereira - Praia de Abrela. É un percorrido de 7 quilómetros desde o Chiringuito Abrela. A organización recomenda levar calzado adecuado para camiñar por monte e unha luz (frontal, lanterna, etcétera) e para participar hai que inscribirse a través do teléfono 982.59. 01.95 ou do correo omix@concellodovicedo.org.
Na praia de Xilloi o xoves 20 agosto ás 16:15 horas celebrarase un concurso de figuras na area con premios para as categorías infantil, xuvenil e adultos.
E o 26 de agosto, mércores, ás 10 horas farase a ruta titulada Os Moutillós, las huellas de los normandos. “Disfrutarase da interesante xeoloxía da zona e a historia detrás do asentamento viquingo de Os Moutillós”, anuncia o Concello de O Vicedo. A distancia total é 4 quilómetros e duración prevista de 3 horas. É gratuíta e para participar é obrigatorio inscribirse a través do correo rutasgalicianorte@gmail.com.