Este sábado, día 10 de maio, celébrase na Pontenova a XVI Concentración de Sendeirismo. Está organizada polo Concello e o Centro de Iniciativas Turísticas e o percorrido será desde Coto de Frades ata a Praza dos Fornos, que son 15,5 quilómetros con dificultade media baixa e “é recomendable utilizar calzado cómodo e que teña un bo agarre, así como bastóns de trekking”.
O programa é o seguinte: ás 09:00 horas, concentración dos participantes na Praza dos Fornos: ás 09:30 horas, saída dos sendeiristas cara ó comezo da ruta; ás 15:00 horas, remate da andaina e xantar a base de bolos de liscos, bolos preñados, postre e bebidas; ás 16:00 horas sorteo entre os participantes de varios agasallos, que son prendas de trekking, ceas para 2 persoas, estancias de 1 noite para 2 persoas, vale regalo para visitar Mina Consuelo e lanzarte pola supertirolina, etcétera.
O prezo da inscrición son 5 euros por participante e o prazo remata este xoves, 8 de maio.