O Sindicato Labrego Galego organiza unha xornada gratuíta de prevención de riscos laborais no uso de fitosanitarios. Desenvolverase en Vilanova de Lourenzá, concretamente no Multiusos Ponte de Cuñas, o día 3 de setembro, mércores, de 15 a 20 horas.
“Se queres aprender a usar correctamente os fitosanitarios para poder desenvolver a túa actividade de xeito máis seguro, non dubides en anotarte”, anuncia o Sindicato Labrego Galego. A inscrición pode facerse a través do correo electrónico lourenza@sindicatolabrego.gal ou do teléfono 698.159.667.
Para esta actividade o Sindicato Labrego Galego conta co financiamento da Consellería de Emprego, Comercio e Emigración da Xunta de Galicia.