Do luns 15 ao venres 19 de setembro haberá Xornadas de Portas Abertas na Escola Municipal de Música de Burela, que está na Casa da Xuventude (Rúa da Igrexa). Serán de 17:00 a 20:00 horas.
O Concello de Burela explica que é “unha ocasión perfecta para: coñecer o centro e o profesorado, probar instrumentos, informarte sobre a oferta educativa. A Escola ofrece clases para nenas e nenos dende os 4 anos, ademais de formación para persoas adultas e agrupacións musicais. O prazo de inscrición está aberto ata o 30 de setembro. Non quedes sen a túa praza! Ven descubrir a música con nós e forma parte da Escola Municipal de Música de Burela!”.
As persoas interesadas poden obter máis información a través dos teléfonos 982.879.483 ou 982.580.720.