O Concello de Cervo convoca o concurso titulado Versos de Rosalía, certame para que o prazo de presentación de traballos está aberto ata o día 3 de marzo.
“O 23 de febreiro celebramos o Día de Rosalía de Castro convidándovos a participar no noso concurso creativo. Envíanos dous versos de Rosalía de Castro que che gusten especialmente. Valorarase que a proposta se presente dunha forma orixinal e creativa. Podes participar a través de: fotografía, texto, debuxo, vídeo ou audio”, anuncia o Concello de Cervo, que tamén explica que a data límite para presentar os traballos é o día 3 de marzo ás 12:00 horas. Poden enviarse a través do correo electrónico prensa@concellodecervo.com ou do WhatsApp 683.31.59.39.
Hai dúas categorías: xuvenil (16 anos ou menos) e sénior (maiores de 16 anos). Haberá tres premios en cada unha, o día 4 de marzo daranse a coñecer os traballos gañadores e o 8 de marzo, coincidindo co Día Internacional da Muller, celebrarase a entrega de premios.