O 28 de setembro terá lugar un roteiro polo patrimonio histórico de Vilaronte. Organizan: Pomba do Arco, O Castro, O Atrio e AA.VV. de Vilaronte.

A Pomba do Arco, O Castro, O Atrio e a Asociación de Veciños de Vilaronte organizan o 28 de setembro un roteiro por Vilaronte co obxectivo de divulgar os elementos de relevo do seu patrimonio e da súa historia.

A viaxe arrancará as 16:00 do Campo da Feira da Espiñeira, visitando a continuación, entre outros espazos , as antigas minas romanas de ouro, as vellas caleiras, as antigas fabricas de Damían López, as expresións da arquitectura indiana, a igrexa e o castro.

A actividade continuará ás 19:00 h no local da asociación O Castro, coa proxección do filme Riquezas Lucenses, gravado en Vilaronte en 1946, e que recolle escenas dos traballos desenvoltos nos serradoiros de Damían López e dos seus traballadores.

As persoas interesadas en participar desta actividade, deberá inscribise previamente no correo electrónico da propia asociación, apombadoarco@gmail.com, ou ben chamando aos telefones 608-555-010 ou 636 587 098. O número de prazas para a visita é limitado polo que pregamos que aquelas persoas interesadas se anoten antes do xoves 26.