O grupo de sendeirismo da ACD Xove viaxará á Costa da Morte o 12 de abril para facer a primeira etapa da Ruta O Camiño dos Faros.

O grupo de sendeirismo da ACD Xove viaxará á Costa da Morte o 12 de abril para facer a primeira etapa da Ruta O Camiño dos Faros.
 
O grupo de sendeirismo da ACD Xove desprazarase ata a Costa da Morte o 12 de abril. Será para facer a primeira etapa da Ruta O Camiño dos Faros, que discorrerá entre Malpica e a praia de Niñóns. Son 22 quilómetros de percorrido “por unha costa espectacular”.
O colectivo comezou o pasado domingo, día 22 de marzo, o seu programa de Rutas para o presente ano 2015. “Nesta primeira ruta, o Grupo non saíu da Mariña, pois fixemos a Ruta Praia das Catedrais - Porto de Foz de 20,5 km. O Grupo desprazouse en autocar ata a Praia das Catedrais onde fixeron a saida ás 10:30 da mañá e chegou ao Porto de Foz, a primeira hora da tarde, onde os esperaba o autobús para levalos de volta a Xove”, explican desde a ACD Xove. 
Os organizadores engaden que “esta Ruta ten dúas partes ben diferenciadas, a primeira pola zona de paseo e polas praias de Barreiros e a segunda seguindo a ribeira da ría do Masma, ata chegar o porto de Foz. En total participaron 60 sendeiristas que disfrutaron dun día espléndido a pesar do nordés existente na zona das praias”.