Festa do Carme
A festa do Carme celebrase na zona portuaria de Ribadeo esta fin de semana, sábado 19 e domingo 20 de xullo.
O sábado ás 13:45horas haberá sesión vermú co grupo Las Vegas Galicia, que tamén actuará na verbena. E ás doce da noite haberá un concerto de La Penúltima Sabinera, grupo tributo ao cantautor Joaquín Sabina.
E o domingo ás 12:00 horas celebrarase misa solemne na igrexa da Atalaia. Ao remate farase a procesión coa imaxe da Virxe do Carme desde a Atalaia ata o porto de Porcillán, para realizar a procesión marítima, que irá acompañada polo cuarteto Illa Pancha. De volta ao porto a Coral Polifónica de Ribadeo cantará unhas pezas, entre elas a Salve Mariñeira. Ás 14:00h haberá sesión vermú a cargo da orquestra Channel, que tamén actuará na verbena, xunto ao grupo Eureka.
Vilela, localidade da parroquia ribadense de Covelas, celebra a festa na honra da Nosa Señora do Carme este sábado, 27 de xullo.
As actividades comezarán as 12:30 horas cunha procesión coas imaxes da Nosa Señora do Carme, a Virxe das Dores e San Marcos, acompañada por gaiteiros. Ás 13:00 horas haberá misa solemne e ás 14:00 horas empezará a sesión vermú co dúo Belinda.
Ás 15:00 horas terá lugar o terceiro xantar de irmandade Camiño Norte de Vilela e de 17:00 a 20:30 horas haberá festa para os nenos e nenas, con inchables, barredora, toro mecánico, etcétera.
Ás 18:00 horas volverá a actuar o dúo Belinda e haberá un sorteo sorpresa.
E rematará a xornada festiva cunha verbena amenizada polas orquestras La Travesía e Tokio.