Mar por Medio
Esta fin de semana, os días 10 e 11 de outubro, celébranse en Ribadeo as XXI Xornadas Mar por Medio, que analizarán a comunicación e a proxección dos valores xacobeos. Están organizadas pola Academia Xacobea coa colaboración da Xunta de Galicia, as Universidades de Santiago e Oviedo e o Concello de Ribadeo.
A cita arrincará o sábado ás 9:30 horas no Salón dos Alcaldes. Haberá dúas conferencias, unha pronunciada por Ricardo Polín e outra por Darío Villanueva; e dúas mesas redondas Os Camiños de Santiago, rutas de comunicación: do local ao internacional e Os valores do Camiño de Santiago e o parecer das asociacións. Ademais os participantes visitarán o Santuario da Nosa Señora das Virtudes da Ponte de Arante. O sábado rematará coa entrega de diplomas e co concerto que ofrecerá a Coral Polifónica de Ribadeo.
Xa o...
leer más
A Academia Xacobea presentou nunha rolda de prensa celebrada no Concello de Ribadeo a XXI edición das Xornadas Mar por Medio – Comunicación e proxección dos valores xacobeos, que se celebrarán os días 10 e 11 de outubro.
Na presentación participaron o alcalde de Ribadeo, Daniel Vega; o presidente da Academia Xacobea, Marcelino Agís Villaverde; a reitora da Universidade de Santiago de Compostela, Rosa Crujeiras; o presidente de honra da Academia Xacobea, Xesús Palmou; a secretaria xeral da Academia, Milagros Otero; e a concelleira de Cultura de Ribadeo, Begoña Sanjurjo.
Na presentación anunciouse tamén a sesión solemne da Academia na que tomarán posesión como académicos John Rutherford, como académico de honra, e Manuel Valín, como académico correspondente.
Marcelino Agís,...
leer más
Os días 19, 20 e 21 e setembro de 2025 celebrarase no Salón de Alcaldes do Concello de Ribadeo a XX edición das Xornadas Mar por Medio, promovidas inicialmente polo hispanista británico John Rutherford e que organiza desde hai tres anos a Academia Xacobea, en colaboración co Concello de Ribadeo, a Secretaría Xeral da Lingua (Consellería de Cultura, Lingua e Xuventude da Xunta de Galicia) e a Universidade de Santiago de Compostela.
A edición deste ano estará dedicada ao tema Ribadeo, encontro de Camiños “para poñer de manifesto non só a tradición xacobea da vila de Ribadeo, porta de entrada a Galicia do Camiño Norte, unha ruta histórica declarada Patrimonio da Humanidade, senón tamén como lugar de acollida, encontro e dinamización de actividades relacionadas cos valores do Camiño de Santiago”, anuncia a organización.
... leer más
A Academia Xacobea e o Concello de Ribadeo están a preparar as XX Xornadas Mar por Medio, que se desenvolverán no vindeiro mes de setembro na vila. Con este evento colaboran a Xunta de Galicia, a Universidade de Santiago de Compostela e a Universidade de Oviedo.
A concelleira de Cultura, Begoña Sanjurjo, explicou que “as xornadas reivindicarán o Camiño de Santiago como encontro de culturas, como unión dos pobos, comezando por Galicia e Asturias, seguindo por España e Reino Unido”. A edil ribadense contou tamén que “a programación, que está en fase de elaboración, incluirá conferencias, mesas redondas, concertos e como novidade un roteiro cultural”.
En Santiago de Compostela tivo lugar unha xuntanza de traballo na que participaron o presidente da Academia Xacobea, Marcelino Agís; o presidente de honra da Academia...
leer más
Mañá arrincan en Ribadeo as XIX Xornadas Mar por Medio. Ata o domingo haberá conferencias, mesa redonda, exposicións, documental e actuacións musicais.
A concelleira de Cultura, Begoña Sanjurjo, explicou que “esta fin de semana terán lugar en Ribadeo as Xornadas Mar por Medio na súa edición número 19. Comezarán ás 10:15 horas do venres co acto inaugural presidido polo conselleiro de Cultura, José López Campos. A continuación, a conferencia inaugural será impartida por don Francisco José Prieto Fernández, arcebispo de Santiago de Compostela, co título Os Camiños de Santiago e a Igrexa. Esta conferencia está enmarcada no título xenérico Os Camiños de Santiago, itinerarios de espiritualidade, tradición e cultura”.
A edil ribadense seguiu a relatar que “outras ponencias versarán sobre as asociacións xacobeas, as...
leer más
A Academia Xacobea ultima os preparativos para a celebración da vindeira edición das Xornadas Mar por Medio, que terán lugar do 1 ao 3 de decembro en Ribadeo, reunindo a un destacado grupo de expertos de diferentes ámbitos para debater sobre o tema “O Camiño: Cultura e tradición”. Ese é o título e o fío condutor do programa elaborado pola Academia coa colaboración da Xunta de Galicia, a Universidade de Santiago de Compostela e o Concello de Ribadeo. Durante tres días celebraranse conferencias, mesas redondas e outras propostas divulgativas sobre aspectos tan diversos como o patrimonio, a música, a artesanía ou a gastronomía en relación cos Camiños de Santiago e o fenómeno xacobeo.
Xa está aberto o prazo para que os interesados en participar poidan formalizar a súa inscrición. Para tal fin habilitouse un formulario na web da Academia...
leer más