Montse Rivera
A Sociedade Cultural Ledicia, de Burela, anuncia que “está dando inicio a un novo curso na escola de baile e música tradicional. Nesta ocasión, e dentro da programación do 50 aniversario da asociación, queremos comezar esta etapa cun espectáculo moi especial, Cóntoche un traxe, no que a través do relato de Montse Rivera disfrutaremos do traxe tradicional nun formato pouco habitual. Convidámosvos ao auditorio municipal de Burela este sábado, 4 de outubro, ás 6 da tarde para pasar unha entretida tarde en familia”.
É unha actividade aberta ao público e con entrada de balde e Ledicia agradece “a colaboración do Concello de Burela coa cesión do auditorio”.
O venres 11 de outubro chega a San Miguel de Reinante "Cóntoche un traxe", da man de Montse Rivera. Será ás 17:30 horas nos colexios vellos, con entrada gratuíta.
É unha actividade organizada pola asociación O Arco da Vella, que anuncia: “mergúllate nesta viaxe no tempo para descubrir como era o vestiario dos nosos tátara-tátara-avós. A narración de Montse estará acompañada de cantigas referidas ás pezas de roupa que os vestían, poemas de grandes da literatura galega e proxección de imaxes de traxes tradicionais e materiais cos que se fabrican as teas. E ao final do camiño, catro participantes acabarán vestidos como os nosos ancestros”.