Santa Icía
O Obradoiro de Canto Coral do Conservatorio Profesional de Música de Viveiro ofrecerá un concerto de Santa Icía na Igrexa das Concepcionistas, na cidade do Landro, este xoves, día 20 de novembro, ás 20:00 horas.
O Concello de Viveiro anuncia que o Conservatorio Profesional de Música de Viveiro “celebra a súa tradicional homenaxe á patroa da música cun fermoso concerto do Obradoiro de Canto Coral, con voces graves a cappella. De soidades e lembranzas, un percorrido musical e poético por autores como Rosalía de Castro, Xela Arias, Pablo Neruda, Javier Busto, Julio Domínguez ou Octavio Vázquez. Unha cita imperdible coa música e a emoción!”.
A Banda de Música O Landro, de Viveiro, ofrecerá o seu tradicional concerto na honra de Santa Icía, patroa dos músicos, este venres, día 21 de novembro, ás 21:00 horas no Teatro Pastor Díaz.
“Esta vez estará dirixido por un director convidado: Iván Martínez. Agardámosvos e esperamos que sexa do voso agrado este concerto”, anuncia a Banda de Música O Landro.
A entrada é de balde ata completar aforo. A taquilla do teatro estará aberta desde un hora antes do concerto e poderán recollerse un máximo 4 entradas por persoa.
A Banda de Música de Foz celebrará a patroa dos músicos, Santa Icía, con un concerto que será este sábado, día 30, de novembro, na Sala Bahía, ás 20:00 horas.
Para esta actuación a Banda de Foz contará con José García é Álvaro Fernández como artistas invitados.
O salón de Actos do Centro Sociocultural, Xuvenil e da Terceira Idade Manuel Lourenzo, de Ferreira do Valadouro, acolle un concerto para celebrar Santa Icía (a patroa da música) este domingo, 19 de novembro, ás 19:00 horas.
Actuarán a Banda de Música de Lourenzá e a Banda Xuvenil de Lourenzá Pituband. A entrada é de balde.
É unha actividade incluída na programación cultural do Concello do Valadouro.
A Banda de Música O Landro ofrece un concerto na honra de Santa Icía o 18 de novembro, sábado, ás 20:30 horas no teatro Pastor Díaz, de Viveiro. A entrada é de balde.
A organización anuncia que será “un concerto tan especial coma fascinante baseado na investigación do musicólogo Javier Franco Juiz e narrado por el mesmo. Interpretaranse xoias do arquivo musical dunha banda de música con máis dun século de vida e baixo a dirección de Rodrigo Rodríguez Rodríguez”.
A Banda de Música O Landro, de Viveiro, ofrecerá un concerto este sábado, 20 de novembro. A actuación terá lugar no Teatro Pastor Díaz, ás 20:30 horas.
Este concerto, baixo a dirección de Carlos Tirimaos, celébrase na honra de Santa Icía.
A reserva de entradas pódese facer, de luns a xoves, no teléfono 982 560 162, en horario de 9:00 a 14:00 horas; ademais no correo electrónico rbg.cultura@viveiro.es e en taquilla desde unha hora antes da función. A entrada é de balde.
Organiza este evento a Banda de Música O Landro coa colaboración da Concellería de Educación de Viveiro.
A Concellería de Educación de Viveiro e a Banda de Música O Landro organizan o concerto na honra de Santa Icía que se celebrará o sábado, 23 de novembro, ás 21:00 horas, no Teatro Pastor Díaz.
Nesa actuación o músico sarrián Abraham Cupeiro presentará o seu traballo Pangea, no que recupera diversos instrumentos de todo o mundo cos que interpreta música antiga e actual. Tamén intervirá a Banda de Música O Landro, dirixida por Carlos Timiraos.
O evento está patrocinado pola Deputación de Lugo, a través do seu departamento de Cultura.